ജീവനില്ലാത്ത കുഞ്ഞിനെ നെഞ്ചോട് ചേർത്ത ഒരമ്മ

ജീവനില്ലാത്ത കുഞ്ഞിനെ നെഞ്ചോട് ചേർത്ത് പിടിച്ചിരിക്കുന്ന ഈ അമ്മയുടെ ചിത്രങ്ങൾ ആരുടെയും കണ്ണുനനയ്ക്കും. ഒരു ജീവിതക്കാലം മുഴുവൻ ഓർത്തിരിക്കാൻ വേണ്ടിയാണ് അമ്മ ഈ കുഞ്ഞിന്‍റെ ചിത്രങ്ങൾ ഒപ്പിയെടുത്തത്. ജനിക്കാതെ പോയ കുഞ്ഞിനെ എന്നുമെന്നും ഓർമ്മിക്കാൻ ഇവർക്ക് ഈ ചിത്രങ്ങൾ തന്നെ ധാരാളം. കുഞ്ഞ് ഉദരത്തിൽ വച്ചുതന്നെ മരണമടഞ്ഞിരുന്നു.



വിവരമറിഞ്ഞയുടൻ കുഞ്ഞിനെ പുറത്തെടുത്ത നിമിഷം മുതൽ ശവമടക്ക് വരെയുള്ള ചിത്രങ്ങൾ ഒപ്പിയെടുക്കാൻ ഒരു ഫോട്ടോഗ്രാഫറിനെയും ഇവർ കണ്ടെത്തി. കുഞ്ഞിനെ കുട്ടിക്കുപ്പായങ്ങൾ അണിയിച്ചു. അരികിൽ ഭർത്താവിനെയും കാണാം. ഇത് തനിക്ക് ജീവിതകാലം മുഴുവന്‍ ഓർക്കാനുള്ള ചിത്രങ്ങളാണ്. അതുകൊണ്ട് ഇത്തരത്തില്‍ ഒരു ഫോട്ടോഷൂട്ട് നടത്തിയതില്‍ ഒരിക്കലും ദുഖിക്കില്ലെന്നാണ് ഈ അമ്മ പറയുന്നത്.