മുംബൈ: ഷോക്കേറ്റ് വീണ കുരങ്ങനെ രക്ഷിക്കാന് തല്ക്കാലം ഓട്ടം നിര്ത്താന് തീരുമാനിച്ച് ഒരുകൂട്ടം ഓട്ടോറിക്ഷ ഡ്രൈവര്മാര്. മുംബൈ മഹാനഗരത്തിലാണ് കരുണവറ്റാത്ത ഈ ഉദാഹരണം. ദിലീപ് കുമാര് രാജ്ഭര് എന്ന ഓട്ടോറിക്ഷ ഡ്രൈവറും സുഹൃത്തുക്കളുമാണ് ഇലക്ട്രിക് ഷോക്കേറ്റ കുരങ്ങനെ രക്ഷിച്ചത്. ഷോക്കേറ്റ് ഒരു മരത്തില് തൂങ്ങിക്കിടപ്പായിരുന്നു കുരങ്ങന്. കുരങ്ങനെ താഴെയെത്തിച്ച ഓട്ടോറിക്ഷ ഡ്രൈവര്മാര് ഇന്റര്നെറ്റില് പരതി ഒരു മൃഗ ഡോക്ടറെയും കണ്ടുപിടിച്ചു. ദിവസവും തങ്ങള് ഭക്ഷണം നല്കുന്ന കുരങ്ങാണിതെന്ന് ദിലീപ് കുമാര് പറയുന്നു.
കഴിഞ്ഞ ദിവസമാണ് ശരീരത്തില് പൊള്ളിയ പാടുകളുമായി കുരങ്ങനെ കണ്ടത്. പിടിക്കാന് ശ്രമിച്ചെങ്കിലും കുരങ്ങ് കുതറിമാറി. പിന്നീട് മറ്റൊരു ഡ്രൈവര് കുരങ്ങനെ പിടികൂടി പരിശോധിച്ചപ്പോഴാണ് ദേഹത്ത് പൊള്ളലേറ്റത് ശ്രദ്ധയില്പ്പെട്ടത്. -- ദിലീപ് കുമാര് പറഞ്ഞു.
കുരങ്ങന് സാരമായി പൊള്ളലേറ്റിട്ടുണ്ട്.കണ്ണുകള്ക്ക് ചുറ്റും നീരും കാഴ്ച്ചയ്ക്ക് തടസവുമുണ്ടെന്ന് കുരങ്ങനെ ചികിത്സിച്ച ഡോ. റിനദേവ് പറയുന്നു. കുറഞ്ഞത് മൂന്ന് ദിവസമെങ്കിലും കഴിയാതെ കുരങ്ങന്റെ ആരോഗ്യകാര്യത്തില് ഒന്നും പറയാനാകില്ലെന്നാണ് ഡോക്ടര് പറയുന്നത്. പക്ഷേ, ഓട്ടോറിക്ഷ ഡ്രൈവര്മാര്ക്ക് പ്രതീക്ഷയുണ്ട് കുരങ്ങന് തിരികെ വരുമെന്ന്. ഒരുദിവസത്തെ ഓട്ടം നഷ്ടപ്പെട്ടതൊന്നുമല്ല മറ്റാരും സഹായിക്കാനില്ലാത്ത ഒരു ജീവിയെ സഹായിക്കുന്നത് തന്നെയല്ലേ വലിയ കാര്യമെന്നാണ് ഇവര് ചോദിക്കുന്നത്.
കഴിഞ്ഞ ദിവസമാണ് ശരീരത്തില് പൊള്ളിയ പാടുകളുമായി കുരങ്ങനെ കണ്ടത്. പിടിക്കാന് ശ്രമിച്ചെങ്കിലും കുരങ്ങ് കുതറിമാറി. പിന്നീട് മറ്റൊരു ഡ്രൈവര് കുരങ്ങനെ പിടികൂടി പരിശോധിച്ചപ്പോഴാണ് ദേഹത്ത് പൊള്ളലേറ്റത് ശ്രദ്ധയില്പ്പെട്ടത്. -- ദിലീപ് കുമാര് പറഞ്ഞു.
കുരങ്ങന് സാരമായി പൊള്ളലേറ്റിട്ടുണ്ട്.കണ്ണുകള്ക്ക് ചുറ്റും നീരും കാഴ്ച്ചയ്ക്ക് തടസവുമുണ്ടെന്ന് കുരങ്ങനെ ചികിത്സിച്ച ഡോ. റിനദേവ് പറയുന്നു. കുറഞ്ഞത് മൂന്ന് ദിവസമെങ്കിലും കഴിയാതെ കുരങ്ങന്റെ ആരോഗ്യകാര്യത്തില് ഒന്നും പറയാനാകില്ലെന്നാണ് ഡോക്ടര് പറയുന്നത്. പക്ഷേ, ഓട്ടോറിക്ഷ ഡ്രൈവര്മാര്ക്ക് പ്രതീക്ഷയുണ്ട് കുരങ്ങന് തിരികെ വരുമെന്ന്. ഒരുദിവസത്തെ ഓട്ടം നഷ്ടപ്പെട്ടതൊന്നുമല്ല മറ്റാരും സഹായിക്കാനില്ലാത്ത ഒരു ജീവിയെ സഹായിക്കുന്നത് തന്നെയല്ലേ വലിയ കാര്യമെന്നാണ് ഇവര് ചോദിക്കുന്നത്.