ചാനല്‍ പരിപാടിയില്‍ പങ്കെടുത്ത പെണ്‍കുട്ടിക്കെതിരെ മതപ്രഭാഷകൻ

കൊച്ചി: സ്വകാര്യ ചാനല്‍ പരിപാടിയില്‍ പങ്കെടുത്ത പെണ്‍കുട്ടിക്കെതിരെ മതപ്രഭാഷകന്‍. കൊണ്ടോട്ടി ഇഎംഇഎ കോളേജിലെ വിദ്യാര്‍ത്ഥിനിക്കെതിരെയാണ് മതപണ്ഡിതനായ അഹമ്മദ് കബീര്‍ ബാഖഫിയുടെ പ്രസംഗം. അള്ളാഹുവിന്‍റെ ദീനിനെ പെണ്‍കുട്ടി തള്ളിപ്പറഞ്ഞു എന്ന് ആരോപിക്കുന്ന പ്രസംഗം ഇപ്പോള്‍ സമൂഹമാധ്യമങ്ങളില്‍ വൈറലായിക്കൊണ്ടിരിക്കുകയാണ്.

ഇഎംഇഎ കോളേജിലെത്തിയ സ്വകാര്യ ചാനലിന്‍റെ പരിപാടിയില്‍ പങ്കെടുക്കുമ്പോള്‍ പെണ്‍കുട്ടി പറഞ്ഞ വാക്കുകളാണ് അഹമ്മദ് കബീര്‍ ബാഖഫിയെ ചൊടിപ്പിച്ചത്. പര്‍ദ്ദ ധരിച്ചിരുന്ന പെണ്‍കുട്ടിയോട് ദിവസവും ഇതേ വസ്ത്രമാണോ ധരിക്കാറ് എന്ന് അവതാരകന്‍ ചോദിച്ചപ്പോള്‍ അന്ന് അബദ്ധത്തില്‍ ആ വസ്ത്രം ധരിച്ചുപോയതാണെന്നായിരുന്നു പെണ്‍കുട്ടിയുടെ മറുപടി.

എന്നാല്‍ സുഹൃത്തുക്കള്‍ ചുറ്റും നില്‍ക്കുമ്പോള്‍ കയ്യടി കിട്ടാനും പബ്ലിസിറ്റിക്കും വേണ്ടിയാണ് പെണ്‍കുട്ടി അങ്ങനെ പറഞ്ഞതെന്നാണ് അഹമ്മദ് കബീര്‍ ബാഖഫിയുടെ വിമര്‍ശനം. പടച്ചോന്‍റെ ദീനിനെ തള്ളിപ്പറഞ്ഞ പെണ്‍കുട്ടിയും സുഹൃത്തുക്കളും പള്ളിക്കാട്ടില്‍ പുഴുവരിച്ച് കിടക്കുന്ന ഒരു ദിവസം വരുമെന്നും പ്രഭാഷണത്തില്‍ പറയുന്നുണ്ട്.

ആയിഷ, ഖദീജ, ഫാത്തിമ തുടങ്ങിയ നിരവധി പേര്‍ ധരിച്ച പര്‍ദ്ദയെ ആണ് പെണ്‍കുട്ടി തള്ളിപ്പറഞ്ഞതെന്നും എന്നിട്ട് തന്നെ സ്വര്‍ഗത്തിലേക്ക് കൊണ്ടുപോകണമെന്നാണ് പെണ്‍കുട്ടി ദുആ ചെയ്യുന്നതെന്നും ബാഖഫി പറയുന്നുണ്ട്.



Muslim cleric against college girl who participated in TV program

A Muslim cleric in Kerala came down heavily on a teenager girl for her remarks against Pardha on s TV program.