വിവാഹം കഴിഞ്ഞ് അധികനാൾ കഴിയുമ്പോഴേക്കും 'വിശേഷമായില്ലേ?' എന്ന ചോദ്യം നമ്മുടെ നാട്ടിൽ പലർക്കും അരോചകം സൃഷ്ടിക്കുന്ന ഒന്നാണ്. അതെ സമയം ചൈനയിൽ താമസിക്കുന്ന പിങ്പിങ് എന്ന് പേരുള്ള യുവതി കഴിഞ്ഞ ഒരു വർഷത്തോളമായി കേൾക്കാൻ ആഗ്രഹിക്കുന്നതും തനിക്ക് വിശേഷമായി എന്നതാണ്. 25 വയസ്സുള്ള വിവാഹം കഴിഞ്ഞ പിങ്പിങ് കഴിഞ്ഞ ഒരു വർഷത്തോളമായി ഗർഭിണിയാവാൻ ശ്രമിക്കുന്നു. നിരന്തരമായി ശ്രമിച്ചിട്ടും ഗർഭിണിയാവാതെ വന്നതോടെ പിങ്പിങ്ങും ഭർത്താവും വൈദ്യ സഹായം തേടി. നിരവധി ടെസ്റ്റിംഗുകൾക്ക് ശേഷം റിപ്പോർട്ട് പുറത്ത് വന്നപ്പോൾ പിങ്പിങ്ങും, ഭർത്താവും, ഡോക്ടറും ഞെട്ടി. ഒരു പുരുഷനായാണ് പിങ്പിങ് ജനിച്ചതത്രെ. സ്ത്രീകളുടെ ജനനേന്ദ്രിയ അവയവങ്ങൾ ഉണ്ടായിരുന്നിട്ടും പുരുഷന്മാരിൽ കാണുന്ന Y ക്രോമസോം ആണ് പിങ്പിങിന് എന്ന് ഡോക്ടർമാർ വ്യക്തമാക്കി. 'ഇന്റർസെക്സ്' എന്ന് പേരുള്ള അപൂർവ രോഗാവസ്ഥയാണ് ഇതെന്ന് മെയിൽഓൺലൈൻ റിപ്പോർട്ട് ചെയ്യുന്നു. കഴിഞ്ഞ 25 വർഷമായി സ്ത്രീയായി ജീവിച്ച പിങ്പിങ് ഇനിയെന്ത് എന്നോർത്ത് അതീവ ദുഖിതയാണ് എന്ന് അവരെ ചികിൽസിക്കുന്ന ഡോക്ടറെ ഉദ്ധരിച്ച് സൗത്ത് ചൈന മോർണിംഗ് റിപ്പോർട്ട് ചെയ്യുന്നു.
കാൽകുഴയ്ക്കുണ്ടായ മുറിവിന് എക്സ്-റേയുമായി ഡോക്ടറെ കാണാൻ എത്തിയതാണ് പിങ്പിങ്. ഒപ്പം താൻ ഗർഭിണിയാവാൻ ശ്രമിച്ചിട്ട് പരാജയപ്പെടുന്ന കാര്യവും ഡോക്ടറോട് പറഞ്ഞു. ഡോക്ടർ കൂടുതൽ ചോദ്യങ്ങൾ ചോദിച്ചപ്പോഴാണ് തനിക്ക് ഇതുവരെ ആർത്തവം നടന്നിട്ടില്ല എന്ന കാര്യം പിങ്പിങ് വെളിപ്പെടുത്തിയത്. കൗ മാരപ്രായത്തിനുശേഷം അവളുടെ അസ്ഥികൾ വികസിച്ചിട്ടില്ലെന്ന് എക്സ്-റേ വെളിപ്പെടുത്തി. ഇതോടെയാണ് സംശയം തോന്നിയ ഡോക്ടർ കൂടുതൽ വിവരങ്ങൾ ചോദിച്ചത്. തനിക്ക് ഇതുവരെ ആർത്തവം സംഭവിച്ചിട്ടില്ല എന്ന വിവരം പറയാനുള്ള ജാള്യം മൂലമാണ് മറച്ചുവച്ചത് എന്നും പിങ്പിങ് വ്യക്തമാക്കി.
"ചെറുപ്പത്തിൽ എന്നെ അമ്മ ഡോക്ടറുടെ അടുത്തേക്ക് കൊണ്ടുപോയി. മറ്റുള്ളവരെ അപേക്ഷിച്ച് എന്റെ ശാരീരിക വളർച്ച പതുക്കെ ആണെന്നും ഏതാനും വർഷങ്ങൾക്കുള്ളിൽ അത് ശരിയാവും എന്നും അന്ന് ഡോക്ടർ പറഞ്ഞു. വർഷങ്ങൾ കഴിഞ്ഞും വലിയ മാറ്റം ഇല്ലാതായപ്പോൾ ഈ പ്രശ്നം വളരെ ലജ്ജാകരമാണെന്ന് തോന്നിയ ഞാൻ അത് ഗൗരവമായി പരിഗണിച്ചില്ല,” യുവതി ഇപ്പോൾ ചികിൽസിക്കുന്ന ഡോക്ടറോട് പറഞ്ഞു.
46 XY എന്ന അവസ്ഥയാണ് പിങ്പ്പിങ്ങിന്. കൂടുതൽ ടെസ്റ്റുകൾ മറ്റൊരു കാര്യം കൂടെ വെളിപ്പെടുത്തി. പിങ്പിങിന് ഗർഭാശയവും അണ്ഡാശയവും ഇല്ല.
കാൽകുഴയ്ക്കുണ്ടായ മുറിവിന് എക്സ്-റേയുമായി ഡോക്ടറെ കാണാൻ എത്തിയതാണ് പിങ്പിങ്. ഒപ്പം താൻ ഗർഭിണിയാവാൻ ശ്രമിച്ചിട്ട് പരാജയപ്പെടുന്ന കാര്യവും ഡോക്ടറോട് പറഞ്ഞു. ഡോക്ടർ കൂടുതൽ ചോദ്യങ്ങൾ ചോദിച്ചപ്പോഴാണ് തനിക്ക് ഇതുവരെ ആർത്തവം നടന്നിട്ടില്ല എന്ന കാര്യം പിങ്പിങ് വെളിപ്പെടുത്തിയത്. കൗ മാരപ്രായത്തിനുശേഷം അവളുടെ അസ്ഥികൾ വികസിച്ചിട്ടില്ലെന്ന് എക്സ്-റേ വെളിപ്പെടുത്തി. ഇതോടെയാണ് സംശയം തോന്നിയ ഡോക്ടർ കൂടുതൽ വിവരങ്ങൾ ചോദിച്ചത്. തനിക്ക് ഇതുവരെ ആർത്തവം സംഭവിച്ചിട്ടില്ല എന്ന വിവരം പറയാനുള്ള ജാള്യം മൂലമാണ് മറച്ചുവച്ചത് എന്നും പിങ്പിങ് വ്യക്തമാക്കി.
"ചെറുപ്പത്തിൽ എന്നെ അമ്മ ഡോക്ടറുടെ അടുത്തേക്ക് കൊണ്ടുപോയി. മറ്റുള്ളവരെ അപേക്ഷിച്ച് എന്റെ ശാരീരിക വളർച്ച പതുക്കെ ആണെന്നും ഏതാനും വർഷങ്ങൾക്കുള്ളിൽ അത് ശരിയാവും എന്നും അന്ന് ഡോക്ടർ പറഞ്ഞു. വർഷങ്ങൾ കഴിഞ്ഞും വലിയ മാറ്റം ഇല്ലാതായപ്പോൾ ഈ പ്രശ്നം വളരെ ലജ്ജാകരമാണെന്ന് തോന്നിയ ഞാൻ അത് ഗൗരവമായി പരിഗണിച്ചില്ല,” യുവതി ഇപ്പോൾ ചികിൽസിക്കുന്ന ഡോക്ടറോട് പറഞ്ഞു.
46 XY എന്ന അവസ്ഥയാണ് പിങ്പ്പിങ്ങിന്. കൂടുതൽ ടെസ്റ്റുകൾ മറ്റൊരു കാര്യം കൂടെ വെളിപ്പെടുത്തി. പിങ്പിങിന് ഗർഭാശയവും അണ്ഡാശയവും ഇല്ല.