ലോകത്തിലെ ഏറ്റവും വലിയ ശിവലിംഗം കേരളത്തിലാണെന്ന് പറഞ്ഞാ വിശ്വസിക്കോ?

ഹിന്ദു മതാചാരപ്രകാരം ശിവഭഗവാനെ പ്രതിനിധീകരിക്കുന്ന ചിഹ്നമാണ് ശിവലിംഗം എന്ന് പറയാതെ തന്നെ അറിയാമല്ലോ. ദേവന്മാരുടെ ഇടയില്‍ ഏറ്റവും പ്രഭാവമുള്ള ശിവന്റെ പേരില്‍ പണികഴിപ്പിക്കപ്പെടുന്ന അമ്പലങ്ങളിലെല്ലാം ഇഹലോകത്തിലെയും പരലോകത്തിലെയും സര്‍വ്വ ഊര്‍ജ്ജങ്ങളെയും പ്രതിനിധീകരിച്ചുകൊണ്ട് ശിവലിംഗം ഉണ്ടാക്കാറും ഉണ്ട്. ഇത് വിശ്വാസികൾ പവിത്രമായി കാണുന്ന ഒരു ചിഹ്നമാണ് എന്ന് പ്രത്യേകം പറയേണ്ടതില്ലാല്ലോ.

ശിവ ലിംഗത്തിന്റെ രൂപം നമുക്കെല്ലാവർക്കും പരിചിതിമാണ്. ലോകത്ത് പല വലിപ്പത്തിലുള്ള ശിവലിംഗങ്ങളും ഉണ്ടാക്കാറുണ്ട്. പല അമ്പലങ്ങളിലും അതിന്റെ സാമ്പത്തിക സ്ഥിതി അനുസരിച്ചായിരിക്കും ശിവലിംഗങ്ങൾ പ്രതിഷ്ഠിക്കുന്നത്. എന്നാൽ ലോകത്തിലെ ഏറ്റവും വലിയ ശിവലിംഗം പ്രതിഷ്ഠിച്ചിരിക്കുന്നത് എവിടെയാണ് എന്ന് അറിയോ? അത് നമ്മുടെ കൊച്ചു കേരളത്തിലാണ്.

അങ്ങനെ ഭൂതം നടന്ന വഴി ഒടുവിൽ ഇങ്ങനെയായി!

ലോകത്തിലെ ഏറ്റവും വലിയ ശിവലിംഗ് സ്ഥിതി ചെയ്യുന്നത് കേരളത്തിലാണ്. കേട്ടിട്ട് വിശ്വാസം വരുന്നില്ല അല്ലെ? ശരിയാണ്, ലോകത്തിലെ ഏറ്റവും വലിയ ശിവലിംഗം സ്ഥിതി ചെയ്യുന്നത് നമ്മുടെ കൊച്ചു കേരളത്തിലാണ്, പത്മനാഭന്റെ മണ്ണിൽ. തിരുവനന്തപുരം നെയ്യാറ്റിൻകരയ്ക്ക് സമീപമുള്ള ചെങ്കൽ മഹേശ്വരം ശിവപാർവ്വതി ക്ഷേത്രത്തിലാണ് ഈ ശിവലിംഗം സ്ഥിതി ചെയ്യുന്നത്.

പൂർണ്ണമായും കൃഷ്ണ ശില കൊണ്ടും തടി കൊണ്ടും നിർമ്മിച്ചിരിക്കുന്ന ക്ഷേത്രമാണ് ചെങ്കൽ മഹേശ്വരം ശിവപാർവ്വതി ക്ഷേത്രം. പരമ്പരാഗതമായുള്ള കേരളത്തിന്റെ നിർമ്മാണ രീതി തന്നെയാണ് ഈ ക്ഷേത്രവും പണി കഴിപ്പിച്ചിരിക്കുന്നത്. എന്നാൽ കേരളത്തിലെ മറ്റു ക്ഷേത്രങ്ങളിൽ നിന്നും ഒട്ടേറെ വ്യത്യസ്തതകൾ ഈ ക്ഷേത്രത്തിനുണ്ട് എന്ന് അറിഞ്ഞിരിക്കുക.ശിവനും പാർവ്വതിയുമാണ് ഈ ലോകത്തെ മുഴുവനും നിയന്ത്രിക്കുന്നത് എന്ന് അർത്ഥമാക്കുന്ന രാശിചക്രങ്ങളും ശ്രീകോവിലിലേക്കുള്ള കവാടത്തിൽ കൊത്തിവെച്ചിട്ടുണ്ട്. ക്ഷേത്രത്തിലേക്കുള്ള നാല് കവാടങ്ങളിൽ ഓരോന്നിനു മുകളിൽ ഓരോ ഗോപുരവും കാണാൻ സാധിക്കും.

പ്രളയകാലത്തും മുമ്പിൽ തന്നെ ഉണ്ടായിരുന്നു, കെഎസ്ആർടിസി വളയം പിടിക്കാൻ...

ലോകത്തിലെ ഏറ്റവും വലിയ ശിവലിംഗം സ്ഥിതി ചെയ്യുന്നത് ഈ ക്ഷേത്രത്തിന്റെ വടക്കു പടിഞ്ഞാറേ ഭാഗത്തായിട്ടാണ്. 111 അടിയാണ് ഉയരം. ഏഴു വർഷത്തോളം വ്രതശുദ്ധിയോടെ മഠത്തിൽ തങ്ങിയ 30 കൊത്തുവേലക്കാരുടെ പ്രയത്നത്തിലാണ് ഈ ശിവലിംഗം പൂർത്തിയാക്കിയിട്ടുള്ളത്.

ഈ പ്രതിഷ്ഠ ഇപ്പോൾ റെക്കോർഡിട്ടിരിക്കുകയാണ്. 108 അടി ഉയരമുള്ള കർണാടകയിലെ കോലാർ കോടിലിംഗേശൻ ക്ഷേത്രത്തിനായിരുന്നു ഇതുവരെ ഏറ്റവും വലിയ ശിവലിംഗത്തിനുള്ള റെക്കോർഡ്. ആ റെക്കോർഡിനെയാണ് ഈ ശിവലിംഗം മറി കടന്നിരിക്കുന്നത്. 111 അടി ഉയരവും 111 അടി ചുറ്റളവിലുമാണ് ചെങ്കൽ മഹേശ്വരം ക്ഷേത്രത്തിലെ ശിവലിംഗത്തിന്റെ നിർമ്മാണം എന്നതും ശ്രദ്ധേയമാണ്.