4K വീഡിയോ വിസ്‍മയമായി ചന്ദ്രനെ പകര്‍ത്തി നാസ

ഉയര്‍ന്ന വീഡിയോ റെസല്യൂഷനായ 4K ഉപയോഗിച്ച് ചന്ദ്രന്‍റെ വീഡിയോ പകര്‍ത്തി അമേരിക്കന്‍ ബഹിരാകാശ ഗവേഷണ സ്ഥാപനം, നാസ. ഇതുവരെ ലഭ്യമായിരുന്ന ചിത്രങ്ങളെക്കാള്‍ സൂക്ഷ്‍മവും മിഴിവുള്ളതുമായ ചിത്രങ്ങളാണ് നാസയുടെ ലൂണാര്‍ റിക്കണൈസെന്‍സ് ഓര്‍ബിറ്റര്‍ ഇമേജറി എന്ന സംവിധാനം പകര്‍ത്തിയത്.

ഈ വീഡിയോ നാസ ഇപ്പോള്‍ പുറത്തുവിട്ടിട്ടുണ്ട്. നാല് മിനിറ്റിനടുത്ത് ദൈര്‍ഘ്യമുള്ള ഈ വീഡിയോ പുറത്തിറക്കാന്‍ ഏതാണ്ട് 9 വര്‍ഷം നീണ്ടുനിന്ന ഗവേഷണവും ഫോട്ടോഗ്രഫിയും വേണ്ടിവന്നു.