കാലം മാറി; കല്യാണവിളിയും ശരിക്കും മാറി

കാലം മാറുന്നതിനൊപ്പം കോലവും മാറണമെന്നാണ് ചൊല്ല്. കോലം എന്നാൽ അത് എല്ലാത്തരത്തിലും പരിഗണിക്കണമല്ലോ. ഇന്ന് ആ മാറ്റം പലമേഖലകളിലും പ്രകടമായി വന്നതോടെ അത് വിവാഹ ക്ഷണത്തിന്‍റെ ശൈലിയിലും പലവിധ മാറ്റങ്ങളുണ്ടാക്കി. തുടര്‍ന്ന് ഒട്ടേറെ ന്യൂജെൻ വിവാഹ വീഡിയോകൾക്കും സാമൂഹ്യമാധ്യമങ്ങൾ സാക്ഷിയായിട്ടുണ്ടെങ്കിലും ഇപ്പോൾ വൈറലാകുന്ന ഈ കല്യാണക്ഷണ വീഡിയോ തികച്ചും വേറിട്ടതാണ്.




കല്യാണം വിളിയില്‍ വ്യത്യസ്ത കൊണ്ടുവരണമെന്ന് ആത്മാര്‍ഥമായി ആഗ്രഹിക്കുന്നവരുടെ തലകൾ ഏതൊക്കെരീതിയിൽ പുകച്ചിട്ടായിരിക്കും ഇത്തരം വേറിട്ട വിവാഹവീഡിയോകൾ തയ്യാറാക്കുന്നതെന്നാണ് സൈബര്‍ലോകത്തെ സംശയം. കോതമംഗലം സ്വദേശിയും മേക്ക് അപ് ആര്‍ട്ടിസ്റ്റുമായ ഷാലു ജോര്‍ജ്ജിന്‍റെ വിവാഹത്തിനാണ് ഇത്തരത്തിലൊരു വീഡിയോ ഒരുക്കിയിരിക്കുന്നത്. മഹാദേവന്‍ തമ്പിയാണ് ഈ വീഡിയോ തയ്യാറാക്കിയിരിക്കുന്നത്.

'ഷാലുവിന്‍റെ സുവിശേഷം' എന്ന പേരിലെത്തിയ വീഡിയോ അക്ഷരാർ‍ഥത്തിൽ വൈറലാകുകയാണ്. ഒട്ടനേകം 'സേവ് ദ ഡേറ്റ്' വീഡിയോകള്‍ വിവാഹത്തോടനുബന്ധിച്ച് നിരവധി ഇറങ്ങുന്നുണ്ടെങ്കിലും ഈ കല്യാണം വിളി വീഡിയോ അതിൽ നിന്നൊക്കെ തികച്ചും വേറിട്ടതാണ്. ഈ കാരണം തന്നെയാണ് ഇത് തരംഗമാകുന്നതിന് പിന്നിലും.

New Save the date Video goes Viral

Kerala Couple's New Save the date for marriage Video goes viral in social media.