'ഇവിടെ വെറുപ്പില്ല'; മാനസസരോവറിലെത്തിയ രാഹുൽ ഗാന്ധി

ന്യൂഡൽഹി: മാനസ സരോവര്‍ യാത്രയിലെ ചിത്രങ്ങൾ പങ്ക് വെച്ച് രാഹുൽ ഗാന്ധി. രാഹുലിൻ്റെ മാനസ സരോവ‍ർ യാതക്ക് നിരവധി വിമ‍ർശനങ്ങൾ നേരിട്ടിരുന്നു. ചൈനീസ് ഗാന്ധിയെന്നും, ബീഫ് കഴിച്ചിട്ടുള്ള യാത്രയുമെന്നുമായിരുന്നു ആരോപണങ്ങൾ. ഒന്നും നഷ്ടപ്പെടുത്താതെ എല്ലാം നേടിത്തരുന്ന പ്രശാന്തതയോടെ ഒഴുകുന്ന തടാകമെന്നാണ് രാഹുല്‍ മാനസരോവറിനെ വിശേഷിപ്പിക്കുന്നത്. ഇവിടെ വെറുപ്പോ പകയോ ഇല്ലെന്ന അടിക്കുറിപ്പും അദ്ദേഹം ചിത്രങ്ങൾക്ക് നൽകുന്നു.

തീര്‍ഥാടനം പൂര്‍ത്തിയാക്കി സെപ്റ്റംബര്‍ 12ന് അദ്ദേഹം മടങ്ങിയെത്തുമെന്ന് കോണ്‍ഗ്രസ് വക്താവ് രണ്‍ദീപ് സിങ് സുര്‍ജേവാല അറിയിച്ചു. സുരക്ഷാ കാരണങ്ങളാല്‍ യാത്രയുടെ വിശദാംശങ്ങള്‍ പുറത്തു വിട്ടിട്ടില്ല. സെപ്റ്റംബറില്‍ തീര്‍ഥാടനകാലം അവസാനിക്കാനിരിക്കെയാണ് രാഹുലിൻ്റെ യാത്ര.