കുഞ്ഞിനെ കൊണ്ട് റാപ്പ് ഡാൻസ്: നഴ്‍സുമാരുടെ പണി പോയി

ജനിച്ച് വീണ് ദിവസങ്ങൾ മാത്രം പ്രായമുള്ള കുഞ്ഞിനെ കയ്യിലെടുത്ത് റാപ്പ് ഡാൻസ് കളിപ്പിച്ച നഴ്‍സുമാരുടെ പണി പോയി. യുഎസിലെ ഒരു ആശുപത്രിയിലാണ് സംഭവം. കുട്ടിയെ കൊണ്ട് ഡാൻസ് കളിപ്പിക്കുന്നതിൻെറ ചിത്രങ്ങളും വീഡിയോയും സോഷ്യൽ മീഡിയയിൽ വൈറലായതോടെയാണ് സംഭവം പുറത്തറിഞ്ഞത്. ആദ്യം സ്നാപ് ചാറ്റിലും പിന്നീട് ഫേസ്ബുക്കിലും ചിത്രങ്ങൾ പ്രചരിക്കുകയായിരുന്നു.



ഫ്‌ളോറിഡയിലെ ജാക്‌സണ്‍വില്ലെയിലെ നേവല്‍ ആശുപത്രിയിലെ നഴ്‌സുമാർക്കാണ് പണി കിട്ടിയത്. കുട്ടിയെ കൊണ്ട് റാപ്പ് ഡാൻസ് കളിപ്പിച്ചതിനാണ് ഒരു നഴ്സിൻെറ പണി പോയത്. ‘ഈ കുഞ്ഞ് സാത്താനെ കാണുമ്പോള്‍ എനിക്ക് തോന്നുന്നത് ഇതാണെന്നു പറഞ്ഞ് നടുവിരല്‍ ഉയര്‍ത്തിയുള്ള ചിത്രമാണ് മറ്റൊരു നഴ്സിനെ വെട്ടിലാക്കിയത്.



നഴ്സുമാരെ പുറത്താക്കി കൊണ്ട് ആശുപത്രി അധികൃതർ ഉത്തരവിറക്കി. ഇവർക്കെതിരെ നിയമ നടപടിയും ഉണ്ടാവും. കുട്ടികൾക്ക് നേരെയുള്ള നഴ്സുമാരുടെ ഇത്തരം നടപടികൾ ക്രൂരമാണെന്നും ഇത് ഒരിക്കലും വെച്ച് പൊറുപ്പിക്കാനാവില്ലെന്നും ആശുപത്രി അധികൃതർ വ്യക്തമാക്കി.

Nurses made shocking video of newborn babies

Two nurses in the US have been removed from duty after a video emerged showing them making a newborn baby dance to rap music.