25 വയസ്സുകാരിയെ കല്യാണം കഴിച്ച 70 കാരന് പൊങ്കാല

അസ്സാം : 25 വയസ്സുകാരിയെ കല്യാണം കഴിച്ച 70 കാരന് സമൂഹ മാധ്യമങ്ങളില്‍ പൊങ്കാല. അസ്സാം സ്വദേശിയായ രാജേഷ് കുമാര്‍ ഹിമ്തസിംങ്കയാണ് തന്നെക്കാള്‍ 45 വയസ്സ് കുറഞ്ഞ യുവതിയെ വിവാഹം കഴിച്ചതിനെ തുടര്‍ന്ന് സമൂഹ മാധ്യമങ്ങളില്‍ സദാചാര വാദികളുടെ ആക്രമണത്തിനിരയായത്. 70 വയസ്സുകാരനായ ഇദ്ദേഹം അസ്സാമിലെ പ്രമുഖ വ്യവസായികളിലൊരാളാണ്. ഓട്ടോമൊബൈല്‍, ആശുപത്രി, തെയില പൊടി നിര്‍മ്മാണ കമ്പനി തുടങ്ങി ഒട്ടനവധി വ്യവസായങ്ങളുണ്ട് ഇദ്ദേഹത്തിന്. പെണ്‍കുട്ടിയെയും ചേര്‍ത്തുള്ള ഇദ്ദേഹത്തിന്‍റെ ചിത്രങ്ങള്‍ സമൂഹ മാധ്യമങ്ങളില്‍ വൈറലായിരിക്കുകയാണ്.

വിഷയത്തില്‍ അദ്ദേഹത്തെ കുറ്റപ്പെടുത്തി കൊണ്ടാണ് കൂടുതല്‍ പേരും രംഗത്ത് വരുന്നത്. മരുമകളെക്കാളും ചെറിയ പെണ്‍കുട്ടിയെയാണ് രാജേഷ് കുമാര്‍ ഹിമ്തസിംങ്ക കല്യാണം കഴിച്ചിരിക്കുന്നത് എന്നാണ് കൂടുതല്‍ പേരുടേയും വിഷമം. ഇദ്ദേഹം വ്യക്തിപരമായി നല്ല മനുഷ്യനാണെന്നും ഇത്തരമൊരു തീരുമാനത്തില്‍ എങ്ങനെ എത്തിപ്പെട്ടുവെന്ന് മനസ്സിലാകുന്നില്ലെന്നുമാണ് ചിലരുടെ അഭിപ്രായം.

എന്നാല്‍ വിഷയത്തില്‍ അദ്ദേഹത്തെ പിന്തുണച്ചും നിരവധി പേര്‍ രംഗത്ത് വന്നിട്ടുണ്ട്. ഭാര്യയുടെ മരണത്തിന് ശേഷം അദ്ദേഹം സമൂഹത്തില്‍ നിന്നും കുടംബാംഗങ്ങള്‍ക്കിടയിലും വല്ലാതെ ഒറ്റപ്പെട്ടിരിക്കുകയായിരുന്നുവെന്നും ഈ വിവാഹം രാജേഷ് കുമാറിനെ പുതിയൊരു ജീവിതത്തിലേക്ക് കൈ പിടിച്ച് ഉയര്‍ത്തുമെന്നും പലരും അഭിപ്രായപ്പെടുന്നു.എന്നാല്‍ ഈ അടുത്ത കാലത്താണ് ഹിമ്തസിംങ്ക ഗ്രൂപ്പിലെ ബിസിനസ്സ് ഓഹരികളെല്ലാം മക്കള്‍ക്കും മരുമക്കള്‍ക്കും കൈമാറിയിരുന്നു.

Rajesh Kumar Himatsingka wedding

Old Man Rajesh Kumar Himatsingka Married With Young Girl.