ആകര്ഷകമായ നിരവധി അത്ഭുതങ്ങളാണ് നമ്മുടെ പ്രകൃതിയിലുള്ളത്. ഏറെ രസകരവും ആകര്ഷകവുമായ പലതരം സവിശേഷതകളുള്ള ജീവജാലങ്ങളാണ് നമുക്ക് ചുറ്റുമുള്ളത്. അത്തരത്തിലുള്ള വീഡിയോകള് സോഷ്യല് മീഡിയയില് നിമിഷ നേരം കൊണ്ടാണ് വൈറലാകുന്നത്. ഹമ്മിംഗ് ബേര്ഡാണ് (humming bird) വീഡിയോയിലെ താരം. നിറം മാറുന്ന അന്നാസ് ഹമ്മിംഗ് ബേര്ഡിനെ(anna's humming bird)
വ്യത്യസ്ത കോണുകളില് നിന്ന് നോക്കുമ്പോള് അവയുടെ നിറം മാറുന്നതായി നമുക്ക് തോന്നും.
wonder of science എന്ന ട്വിറ്ററിലൂടെയാണ് വീഡിയോ പുറത്ത് വന്നത്. 1.6 മില്യണ് ആളുകളാണ് ഈ വീഡിയോ കണ്ടത്.
തള്ളവിരലിന്റെ വലിപ്പമുള്ള ഈ ചെറിയ പക്ഷി തല തിരിക്കുമ്പോള് ഫ്ലൂറസെന്റ് ചുവപ്പ് കലര്ന്ന പിങ്ക്, കറുപ്പ് എന്നീ നിറങ്ങള് കാണാന് സാധിക്കും. നോട്ടം മാറുന്നതിന് അനുസരിച്ചാണ് നിറങ്ങള് മാറുന്നതായി തോന്നുന്നത്. മഴവില് അഴക് പോലെയാണ് ചിറകുകളില് ആ വര്ണങ്ങള് കാണപ്പെടുന്നത്. ചിറകുകളുടെ നാനോ സ്കെയില് ഘടനയാണ് ഈ നിറങ്ങള് കാണാന് കാരണമാകുന്നത്. പക്ഷിയുടെ വീഡിയോ സോഷ്യല് മീഡിയ ഏറ്റെടുത്ത് കഴിഞ്ഞു. ഏറെ രസകരവും അത്ഭുതപ്പെടുത്തുന്നതുമായ വീഡിയോയ്ക്ക് താഴെ നിരവധി പേരാണ് കമന്റ് ചെയ്തിരിക്കുന്നത്. ഓന്ത് നിറം മാറുന്നത് പോലെയാണ് ഈ പക്ഷിയെന്നാണ് ഒരാളുടെ കമന്റ്. ലോകത്തിലെ ഏറ്റവും ചെറിയ പക്ഷികളുടെ കുടുംബമാണ് ഹമ്മിങ് ബേര്ഡ്. പക്ഷികളില് പിന്നോട്ടു പറക്കാന് കഴിവുള്ള ഏക ഇനവും ഹമ്മിങ് ബേര്ഡാണ്.