ലോകത്തിലെ ഏറ്റവും ശക്തിയേറിയ ഒന്നാണ് മുതലയുടെ താടിയെല്ലുകൾ. ഏറെക്കുറെ എന്ത് തകർത്തു അകത്താക്കാനുള്ള കെൽപ് മുതലയുടെ വായ്ക്കുണ്ട്. എന്നും കരുതി എല്ലായ്പ്പോഴും ഈ ശക്തി മുതലാളിക്ക് സാഹായകരമാണ് എന്ന് അർത്ഥമില്ല. ഉദാഹരത്തിന് മുതലയുടെ തോട് തകർക്കുക എന്നുള്ളത് ഏറ്റവും വലിയ മൃഗത്തിന്റെ അസ്ഥികൾ പോലും തകർക്കാൻ സാധിക്കുന്ന മുതലാളിക്ക് സാധിച്ചു എന്ന് വരില്ല. ഒരു പക്ഷെ അത് ഇരുമ്പ് ചവയ്ക്കാൻ ശ്രമിക്കും പോലെയാവും.
സമൂഹ മാധ്യമങ്ങളിൽ അടുത്തിടെ വൈറൽ ആയ ആയ വീഡിയോ ഇത് ശരിവയ്ക്കുന്നു. ഇന്ത്യൻ ഫോറെസ്റ്റ് സർവീസ് ഉദ്യോഗസ്ഥനായ നവീദ് ട്രംബൂ ആണ് മുതലയുടെ വായിലകപ്പെട്ട അമ്മയുടെയും പിന്നീട് രക്ഷപ്പെടലിന്റെയും വീഡിയോ പോസ്റ്റ് ചെയ്തത്. 18 സെക്കൻഡ് ദൈർഘ്യമുള്ള ഈ വീഡിയോയിൽ, ആമ ഒരു വലിയ മുതലയുടെ വായിൽ പെട്ടത് കാണാം. അമ്മയുടെ പുറംതോട് തകർത്ത് ഇരയെ അകത്താക്കാൻ മുതല പരമാവധി ശ്രമിക്കുന്നു. എന്നാൽ വിജയിക്കുന്നില്ല. ഇടയ്ക്കെപ്പോഴോ മുതലയുടെ വായിൽ നിന്നും വഴുതിപ്പോവുന്ന ആമ ഒരു നിമിഷം താൻ രക്ഷപെട്ടു എന്നുള്ളത് വിശ്വസിക്കാനാവാതെ നില്കുന്നത് കാണാം. പിന്നീട് ജീവനും കൊണ്ട് ഓട്ടമാണ്. ആമയുടെ തോട് തന്നെക്കൊണ്ട് തകർക്കാൻ പറ്റില്ല എന്ന് ഈ സമയം കൊണ്ട് മുതല മനസ്സിലാക്കി എന്ന് തോന്നുന്നു. കാരണം ആമ രക്ഷപ്പെടുമ്പോൾ മുതല വീണ്ടും ആക്രമിക്കാൻ ശ്രമിക്കുന്നില്ല.
എങ്ങനെയാണ് മാസ്ക് ധരിക്കേണ്ടത്? പഠിപ്പിച്ച് ഒരു അരയന്നം
ഉത്തരവാദിത്വമുള്ള കള്ളന്മാർ! ജ്വല്ലറി മോഷണം കൊവിഡ് മാനദണ്ഡങ്ങൾ പാലിച്ച്
മുതല ആമയുടെ പുറംതോട് തകർക്കാൻ ശ്രമിക്കുമ്പോൾ ഉണ്ടാകുന്ന ശബ്ദം ആണ് വീഡിയോയിലെ രസകരമായ ഭാഗം. 'നിങ്ങൾക്ക് ഈ ലോകത്ത് സ്വയം പരിരക്ഷിക്കണമെങ്കിൽ, നിങ്ങൾ ഈ ആമയെപ്പോലെയാകണം. നിങ്ങൾക്ക് ഉറച്ച ചിന്തയും നല്ല തൊലിക്കട്ടിയുമുണ്ടെങ്കിൽ , നിങ്ങളെ തകർക്കാൻ ആർക്കും കഴിയില്ല' എന്ന തലക്കെട്ടോടെയാണ് നവീദ് ട്രംബൂ ഈ വീഡിയോ പോസ്റ്റ് ചെയ്തിരിക്കുന്നത്. 30,000-ൽ ഏറെ പേർ ഈ സമയംകൊണ്ട് ഈ വീഡിയോ കണ്ടു കഴിഞ്ഞു. ട്വിറ്റെർ ഏറെ പേർ പ്രതികരണം അറിയിക്കുന്ന വീഡിയോയ്ക്ക് കീഴിലെ പ്രധാന കമന്റ് ആമയുടെ പുറംതോട് ഇത്രയും കട്ടിയേറിയതാണോ എന്നുള്ളതാണ്. പലർക്കും ഇത് വിശ്വസിക്കാനായിട്ടില്ല.