കൂറ്റൻ മുതലയെ സിംഹക്കൂട്ടങ്ങൾ ആക്രമിക്കുന്നത് കണ്ടിട്ടുണ്ടോ? മരത്തടി പോലെ വെള്ളത്തിൽ കിടന്ന് വെള്ളം കുടിക്കാൻ വരുന്ന മൃഗങ്ങളെ ആക്രമിക്കുന്ന മുതലയുടെ പലതരത്തിലുള്ള വീഡിയോകളും നമ്മൾ കണ്ടിട്ടുണ്ടാകും. എന്നാൽ കൂറ്റൻ മുതലയെ വളഞ്ഞിട്ടാക്രമിക്കുന്ന സിംഹക്കൂട്ടങ്ങളുടെ വീഡിയോയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്.
സൗത്ത് ആഫ്രിക്കയിലെ ക്രൂഗർ ദേശീയ പാർക്കിലുള്ള സാബി സാൻഡ് മേഖലയിൽ നിന്ന് പകർത്തിയതാണ് ഈ ദൃശ്യങ്ങൾ. 61 കാരനായ വെർണൻ ക്രെസ്വെൽ ആണ് ദൃശ്യങ്ങൾ പകർത്തിയത്. നിരവധി പേരാണ് വീഡിയോ സോഷ്യൽ മീഡിയയിൽ പങ്കുവെച്ചിരിക്കുന്നത്.
പിറന്നാളിന് സർപ്രൈസായി ഭാവിവധുവിന്റെ വീട്ടിലെത്തിയതാ, ഒരുമാസത്തിലേറെയായി പുറത്തിറങ്ങാൻ പറ്റുന്നില്ല...
സാബി സാൻഡ് മേഖലയിലെ അറിയപ്പെടുന്ന സിംഹക്കൂട്ടത്തെ ഏറെ നേരമായി പിന്തുടരുകയായിരുന്നു വെർണൻ ക്രെസ്വെൽ. മുതലയ ആക്രമിക്കുന്നതിന് മണിക്കൂറുകൾക്ക് മുൻപ് ഇവ മാൻവർഗത്തിൽ പെട്ട ജീവിയെ വേട്ടയാടി കൊന്നു ഭക്ഷിച്ചിരുന്നു. സിംഹക്കൂട്ടം ഭക്ഷിച്ച ശേഷം മിച്ചം വന്ന ഇരയുടെ ശരീരഭാഗങ്ങൾ ജലാശയത്തിന് 100 മീറ്റർ മാറി ഉപേക്ഷിച്ചിരുന്നു. ഈ ശരീരഭാഗങ്ങളുടെ ഗന്ധം തിരിച്ചറിഞ്ഞാകാം മുതല ജലാശയത്തിനു പുറത്തേക്കിറങ്ങിയതെന്നാണ് വീഡിയോ ഗ്രാഫർ വ്യക്തമാക്കുന്നത്. എന്നാൽ ബാക്കി വന്ന മാംസം ഭക്ഷിക്കാനായി തീരത്തേക്കു കയറിയ മുതലയെ സിംഹക്കൂട്ടങ്ങൾ ചേർന്ന് ആക്രമിക്കുന്നതാണ് വീഡിയോയിൽ കാണുന്നത്.