രാജ്യത്തെ മുടിവെട്ട് സ്റ്റൈൽ
താൻ പറയുന്ന പോലെ മറ്റുള്ളവർ ജീവിച്ചാൽ മതി എന്ന ചിന്തയാണ് കിം ജോങ് ഉൻ എന്ന സ്വേച്ഛാധിപതിക്കുള്ളത്. അത് കൊണ്ട് തന്നെയാണ് തന്റെ പ്രജകൾ എങ്ങനെ ജീവിക്കണം എന്ന് അദ്ദേഹം തീരുമാനിക്കുന്നത്. എന്തിനധികം പറയണം തന്റെ പ്രജകൾ എങ്ങനെ മുടി വെട്ടണം എങ്ങനെ മുടിവെട്ടരുത് എന്ന് പോലും കിം പറയും. ഉത്തര കൊറിയയിൽ സ്ത്രീകൾക്കും പുരുഷന്മാർക്കും മാത്രമായി അനുവദിച്ച മുടിവെട്ട് സ്റ്റൈലുകളുണ്ട്. 2013 ലാണ് പൗരന്മാർക്ക്, സ്ത്രീകൾക്കും പുരുഷന്മാർക്കും വെവ്വേറെ, മുടിവെട്ടുനിയന്ത്രണങ്ങൾ പ്രഖ്യാപിക്കപ്പെട്ടത്. ഇത്തരം സ്റ്റൈലുകളല്ലാതെ മറ്റേതെങ്കിലും സ്റ്റൈലിൽ മുടി വെട്ടുകയോ മറ്റോ ചെയ്താൽ അത് അച്ചടക്കമില്ലായ്മയും സാമൂഹ്യ വിരുദ്ധതയായും കണക്കാക്കപ്പെടുകയാണ് ഉത്തരകൊറിയയിൽ ചെയ്യാറുള്ളത്.
നിരീക്ഷിക്കാനും ആൾക്കാർ
ഉത്തരകൊറിയയിൽ കിം പറയുന്ന രീതിയിലല്ലാതെ മറ്റേതെങ്കിലും സ്റ്റൈലിൽ മുടി വെട്ടുന്നവരെ പിടിക്കാനും നിരീക്ഷിക്കാനും പ്രത്യേകം സ്ക്വാഡുകൾ വരെയുണ്ട് എന്ന് അറിഞ്ഞിരിക്കുക. ചെറിയ ശിക്ഷകളൊന്നുമല്ല, അച്ചടക്കമില്ലായ്മയ്ക്ക് കടുത്ത ശിക്ഷകൾ തന്നെയാണ് നൽകുന്നത്. രാജ്യത്തെ ഏക പാർട്ടിയായ വർക്കേഴ്സ് പാർട്ടിയുടെ യുവജന വിഭാഗത്തെ തന്നെയാണ് സെൻട്രൽ കമ്മിറ്റി ഈ അച്ചടക്കപരിപാലന ദൗത്യവും ഏൽപ്പിച്ചിരിക്കുന്നത്. സമൂഹത്തിൽ ആളുകൾ എന്തൊക്കെയാണ് ചെയ്യേണ്ടത് എന്തൊക്കെയാണ് ചെയ്യരുതേണ്ടാത്തത് എന്നതിനെ കുറിച്ച് സ്കൂളുകളിലും മറ്റും ക്ലാസ്സുകൾ തന്നെ എടുത്ത് കൊടുക്കാറുണ്ടെന്നാണ് റിപ്പോർട്ടുകൾ.
ഡെറ്റോളിനെക്കാൾ വിലക്കുറവിൽ സാനിറ്റൈസറെന്ന് ബാബാരാംദേവ്, വിലക്കൂടുതൽ ചൂണ്ടിക്കാട്ടി തമ്മിലടി
ഹെയർ സ്റ്റൈൽ
ഉത്തരകൊറിയയിൽ ഹെയർ സ്റ്റൈലിന്റെ കാര്യത്തിൽ വളരെ കർശന നിർദ്ദേശങ്ങളാണ് ഭരണകർത്താക്കൾ പുറപ്പെടുവിച്ചിട്ടുള്ളത്. കമ്മിറ്റി അംഗീകരിച്ച 15 ഹെയർ സ്റ്റൈലുകളിൽ ഏതെങ്കിലും ഒരു സ്റ്റൈലിൽ മാത്രമെ മുടി വെട്ടാൻ സാധിക്കുകയുള്ളു. അല്ലാത്ത പക്ഷം നിങ്ങളുടെ ഇഷ്ടത്തിനാണ് മുടി വെട്ടുന്നതെങ്കിൽ അത് അച്ചടക്ക ലംഘനമായി കണക്കാക്കുകയും കടുത്ത ശിക്ഷാ നടപടികളിലേക്ക് നയിക്കുകയും ചെയ്യും. എല്ലാ സലൂണുകളിലും ഈ 15 സ്റ്റൈലുകൾ പ്രദർശിപ്പിച്ചിട്ടും ഉണ്ട്. ഇതിൽ ഏതെങ്കിലും ഒരു സ്റ്റൈൽ തെരഞ്ഞെടുക്കാന ജനങ്ങൾക്ക് പൂർണ്ണ സ്വാതന്ത്ര്യം ഉണ്ട് എന്നാണ് ഭരണകർത്താക്കൾ വ്യക്തമാക്കുന്നത്.
സംഭവം സത്യമാണ്; വയസ്സ് വെറും 8, പക്ഷെ മരണ കാരണം വാർദ്ധക്യം...
മുടി നീട്ടി വളർത്തുന്നതിലുമുണ്ട് പ്രശ്നം
ഉത്തര കൊറിയയിൽ ഭരണകൂടം അനുവദിച്ചിട്ടുള്ളതിൽ കൂടുതൽ നീളത്തിൽ മുടിവളർത്താനോ മുടി കളർ ചെയ്യാനോ ജനങ്ങൾക്ക് അനുവാദമില്ല. ഓരോ സ്റ്റൈലും എത്ര സെന്റീമീറ്റർ നീളം, വീതി, മുടിയുടെ കട്ടി തുടങ്ങിയ പലതും കൃത്യമായി വ്യക്തമാക്കുന്നുണ്ട്. അതനുസരിച്ച് മാത്രമെ മുടിവെട്ടാൻ സാധിക്കുകയുള്ളു.
'അപമാനിച്ചു മതിയായെങ്കിൽ ഞങ്ങൾ പൊക്കോട്ടെ സാറേ?'; ലോക്ക് ഡൗണിലെ പുതിയ ശിക്ഷ
കിം ജോങ് ഉൻ വ്യത്യസ്തൻ
മേൽ പറഞ്ഞ 15 ഹെയർ സ്റ്റൈലുകളിൽ കിം ജോങ് ഉന്നിന്റെ ഹെയർ സ്റ്റൈൽ പെടില്ല. വശങ്ങൾ പറ്റെ വടിച്ചിറക്കുന്ന കിം ജോങ് ഉന്നിന്റെ വിശേഷ ഹെയർ സ്റ്റൈൽ ഈ ലിസ്റ്റിൽ ഇല്ല. അത് അനുകരിക്കാൻ പൗരന്മാർക്ക് അനുവാദവുമില്ലെന്നാണ് ഭരണകർത്താക്കൾ വ്യക്തമാക്കുന്നത്. അതായത്, ആ സ്റ്റൈൽ കിം ജോങ് ഉന്നിന് മാത്രമാണെന്ന്. മാത്രമല്ല ഉത്തര കൊറിയയിൽ താടിമീശകൾ വളർത്തുന്നതും നിരോധിച്ചിരിക്കുകയാണ്.