'കിഡ്നി വിറ്റും ഐഫോൺ വാങ്ങണം' കടുത്ത ആപ്പിൾ ആരാധകർക്കിടയിലെ ഒരു പറച്ചിലാണിത്. എന്ത് ചെയ്താലും വേണ്ടില്ല ഏറ്റവും പുതിയ ഐഫോൺ വാങ്ങണം എന്നതാണ് സാരം. കഴിഞ്ഞ മാസം 13-ന് ഐഫോൺ 12 അവതരിപ്പിച്ചപ്പോഴും പല ആപ്പിൾ ആരാധകരും സ്വന്തം കിഡ്നി വിറ്റ് പണമുണ്ടാക്കി പുത്തൻ ആപ്പിൾ സ്വന്തമാക്കാൻ ശ്രമിച്ചു എന്നുള്ളത് രഹസ്യമല്ല. ഇത്തരക്കാർക്ക് ഒരു മുന്നറിയിപ്പാണ് 25 വയസ്സുള്ള ചൈനീസ് യുവാവ്.
2011-ൽ ആണ് വാങ് ഷാങ്ക്ഗു എന്ന് പേരുള്ള വ്യക്തി ഐഫോൺ വാങ്ങാൻ തുനിഞ്ഞിറങ്ങിയത്. അന്ന് 17 വയസ്സുമാത്രമുണ്ടായിരുന്ന വാങ് ഷാങ്ക്ഗു കിഡ്നി വിറ്റ് പണമുണ്ടാക്കാൻ അനധികൃത അവയവ റാക്കറ്റുമായി ബന്ധപ്പെട്ടു. ഓൺലൈൻ ചാറ്റ് റൂമിൽ വാങ് ഷാങ്ക്ഗു പരിചയപ്പെട്ട വ്യക്തിയാണ് കിഡ്നി വിറ്റാൽ 20,000 യുവാൻ (ഏകദേശം 3000 ഡോളർ) ലഭിക്കും എന്ന് പറഞ്ഞത്. പുത്തൻ ഐഫോൺ വാങ്ങാൻ വഴി തേടി അലഞ്ഞിരുന്ന വാങ് ഷാങ്ക്ഗു 3,273 ഡോളറിന് തന്റെ കിഡ്നി വിൽക്കാൻ തീരുമാനിച്ചു.
മാസ്ക് വയ്ക്കുമ്പോൾ കണ്ണടയിൽ കാഴ്ച മങ്ങുന്നുണ്ടോ? ഒരു സിമ്പിൾ ടെക്നിക്കുണ്ട്
സെൻട്രൽ ഹുനാൻ പ്രൊവിൻസിൽ അനധികൃതമായി നടത്തിയ ശസ്ത്രക്രിയയിലൂടെ വാങ് ഷാങ്ക്ഗുവിൻ്റെ വലത് കിഡ്നി നീക്കം ചെയ്തു. കിട്ടിയ പണം കൊണ്ട് ഐഫോൺ 4, ഐപാഡ് 2 എന്നീ ഡിവൈസുകൾ വാങ് ഷാങ്ക്ഗു വാങ്ങുകയും ചെയ്തു. പക്ഷെ സന്തോഷത്തിന് അധികം ആയുസ്സുണ്ടായിരുന്നില്ല.
ശസ്ത്രക്രീയ കഴിഞ്ഞു ഇപ്പോൾ ഒൻപത് വർഷം കഴിഞ്ഞിരിക്കുന്നു. ഡയാലിസിസ് മെഷീനോടൊപ്പമാണ് ഇപ്പോൾ ജീവിതം. റെനാൾ ഡിഫിഷെൻസി ബാധിച്ച വാങ് ഷാങ്ക്ഗുവിന്റെ ഇനിയുള്ള ജീവിതം ബെഡിൽ ആയിപോകാനുള്ള സാധ്യത ഏറെയാണ്. ശസ്ത്രക്രീയ കഴിഞ്ഞു മാസങ്ങൾക്കകം ഇൻഫെക്ഷനുണ്ടാകുകയും ഒടുവിൽ ഏക കിഡ്നിയുടെ പ്രവർത്തനം നിലച്ചതുമാണ് കാര്യങ്ങൾ വഷളാക്കിയത്. ഇപ്പോൾ ദിവസവും ഡയാലിസിസ് ചെയ്യേണ്ട അവസ്ഥയിലേക്ക് വാങ് ഷാങ്ക്ഗു എത്തി. ഓർക്കണം ഇപ്പോൾ 25 വയസ്സ് മാത്രമേ വാങ് ഷാങ്ക്ഗുവിനുള്ളൂ.
ദേ ഒരു മുതലോസർ! ഗോൾഫ് മൈതാനത്ത് യമണ്ടൻ അതിഥി
17 വയസുള്ളപ്പോൾ മാതാപിതാക്കളുടെ അറിവോ സമ്മതമോ വാങ്ങാതെയാണ് വാങ് ഷാങ്ക്ഗു അനധികൃത ശസ്ത്രക്രീയ നടത്തിയത് എന്ന് ചൈനീസ് മാധ്യമമായ ദി വൈസ് റിപ്പോർട്ട് ചെയ്യുന്നു. വാങ് ഷാങ്ക്ഗു പെരുമാറ്റത്തിൽ സംശയം തോന്നിയ അമ്മയാണ് ഒടുവിൽ സത്യം പറയിപ്പിച്ചത്. അനധികൃത അവയവ കച്ചവടത്തിന് ഒടുവിൽ ഒൻപത് പേരെ അറസ്റ്റ് ചെയ്തു എന്ന് എൻ പി ആർ റിപ്പോർട്ട് ചെയ്യുന്നു.