മൂളിപ്പാട്ടും പാടി ചോരകുടിക്കാനെത്തുന്ന കൊതുകുകളെ കാണാത്തവരായിട്ട് ആരും ഉണ്ടാകില്ല. ഇത്തിരിക്കുഞ്ഞൻ കൊതുക് കുടിക്കുന്ന ചോര ഇത്തിരിയാണെങ്കിലും അതുണ്ടാക്കുന്ന ആരോഗ്യ പ്രശ്നങ്ങളും മറ്റും അത്രയൊന്നും ചെറുതല്ല എന്ന് നമുക്കെല്ലാവർക്കും അറിയാം. പലപ്പോഴും രാത്രിയിലും മറ്റും കൊതുക് തിരിയും ഗുഡ്നൈറ്റുമൊക്കെ വെച്ച് കിടന്നുറങ്ങുന്നവരായിരിക്കും നമ്മളിൽ പലരും. കൈയിലോ അല്ലെങ്കിൽ ശരീരത്തിൽ ഏതെങ്കിലും ഭാഗത്തോ കൊതുക് വന്നിരുന്ന ചോര കുടിക്കുമ്പോൾ വളരെ പതിയെ, പതിയെ ജാഗ്രതയോടെ അതിനെ അടിക്കാൻ ചെല്ലുന്നവരായിരിക്കും. ചത്ത് കഴിഞ്ഞാൽ കൊതുകിതെ പതിയെ വിരലിന്റെ അറ്റം കൊണ്ട് എടുത്തെറിയും. അത്രയേ ഉണ്ടാകുകയുള്ളു കൊതുകുകൾ.
എന്നാൽ ഇപ്പോൾ ട്വിറ്ററിൽ വൈറലാകുന്നത് ഒരു ഭീമൻ കൊതുകാണ്. നമ്മുടെ നാട്ടിൽ കാണുന്നതിനേക്കാളും ഭീമൻ കൊതുക്. ഏസീക്കൽ ലോബോ എന്ന ട്വിറ്റർ അക്കൌമ്ടിലാണ് ഈ ഭീമൻ കൊതുകിന്റെ ചിത്രം പങ്കുവെച്ചിരിക്കുന്നത്. അമ്മയുടെ ദേഹത്ത് ചോരകുടിക്കാനെത്തിയതാണ് ഈ ഭീമൻ കൊതുക് എന്ന് ലോബോ പറയുന്നു. ഇതിനോടൊപ്പം തന്നെ ഒരു കുഞ്ഞൻ കൊതുകിന്റെയും ചിത്രം ലോബോ പങ്കുവെച്ചിട്ടുണ്ട്.