അച്ഛനും അമ്മയ്ക്കും സ്നേഹം അനിയത്തിയോട്: പെൺകുട്ടി ആത്മഹത്യ ചെയ്തു

ഉഡുപ്പി: അച്ഛനും അമ്മയ്കക്കും അനിയത്തിയോടാണ് കൂടുതല്‍ സ്നേഹം. അതിനാല്‍ താന്‍ ആത്മഹത്യ ചെയ്യുകയാണെന്ന് കുറിപ്പെഴുതി പെണ്‍കുട്ടി ആത്മഹത്യ ചെയ്തു. പതിനെട്ട് വയസ്സുകാരിയായ പ്രഗതി ഷെട്ടിയാണ് ഇത്തരത്തില്‍ കുറിപ്പെഴുതി വെച്ച് ആത്മഹത്യ ചെയ്തത്.

കര്‍ണാടകയിലെ കുന്ദപൂര്‍ ജില്ലയിലാണ് സംഭവം നടന്നത്. അനിയത്തിയോട് വളരെ സ്നേഹം കാണിച്ചിരുന്ന മാതാപിതാക്കള്‍ താന്‍ താമസിക്കുന്ന ഹോസ്റ്റലില്‍ വന്ന് ഒരിക്കല്‍പ്പോലും തന്നെ കണ്ടിട്ടില്ലെന്നും പ്രഗതി കുറിപ്പില്‍ പറയുന്നു.

ബിദ്‍കല്‍ക്കട്ടെ പ്രീ യൂണിവേഴ്സിറ്റി കോളേജില്‍ വിദ്യാര്‍ത്ഥിനിയായിരുന്നു പ്രഗതി. വളരെപ്പെട്ടെന്ന് സങ്കടപ്പെടുന്ന പ്രകൃതമായിരുന്നു പ്രഗതിയുടേതെന്ന് പിതാവ് ഗണേഷ് ഷെട്ടി പറഞ്ഞു. സങ്കടം തോന്നുമ്പോള്‍ മുറിക്കുള്ളില്‍ കയറി കതകടച്ചിരിക്കുമായിരുന്നു. എന്നാല്‍ തന്‍റെ രണ്ടു മക്കളെയും ഒരേ പോലെ തന്നെയാണ് സ്നേഹിച്ചിരുന്നതെന്നും ഇത്തരത്തില്‍ ഒരു ചിന്ത പ്രഗതിയുടെ മനസ്സില്‍ ഉണ്ടായിരുന്നതായി അറിഞ്ഞിരുന്നല്ലെന്നും അച്ഛന്‍ പറഞ്ഞു.