കാഞ്ചീപുരം സാരിയില്‍ മോദിയെ തുന്നിചേർത്ത് ബീന കണ്ണൻ

പ്രധാനമന്ത്രി നരേന്ദ്രമോദിക്ക് ആദരവായി ബീന കണ്ണൻ മോദി സാരി സമ്മാനിച്ചു. കേരളത്തിൽ പട്ടിന്‍റെ ബ്രാന്‍റ് അംബാസഡർ എന്നറിയപ്പെടുന്ന ശീമാട്ടിയുടെ സാരഥിയായ ബീന കണ്ണൻ പ്രത്യേകമായി കാഞ്ചീപുരം സാരിയിൽ മോദിയുടെ ചിത്രം തുന്നിചേർത്തസാരിയാണ് സമ്മാനിച്ചിരിക്കുന്നത്. സാരിയിൽ നെയ്തെടുത്ത മോദിചിത്രം ഫ്രെയിം ചെയതെടുത്തതാണ് സമ്മാനം.

കാഞ്ചീപുരത്തെ നെയ്ത്തുകാർ പരമ്പരാഗതമായി നെയ്യുന്ന പട്ടുസാരിയാണ് കാഞ്ചീപുരം സാരി. ലോകത്തിൽ തന്നെ ബനാറസി സാരികളോട് കിടപിടിക്കുന്ന തെന്നിന്ത്യൻ സാരികളായാണ് കാഞ്ചീപുരം അറിയപ്പെടുന്നത്. മോദിക്ക് സാരിസമ്മാനിക്കുന്ന ചിത്രം ഫേസ്ബുക്കിൽ ബീന കണ്ണൻ പങ്കുവെച്ചിട്ടുമുണ്ട്.