''കരിമ്പിന്‍കാലയില്‍ ഒരു മീന്‍ വറുത്തതിന് 1000 രൂപ''; ഫേസ്ബുക്ക് പോസ്റ്റ് വൈറൽ

കോട്ടയം: കോട്ടയം കരിമ്പിൻകാല ഹോട്ടലില്‍ ഒരു മീന്‍ വറുത്തതിന് 1000 രൂപ. നാട്ടകത്തുള്ള കരിമ്പിന്‍കാല ഹോട്ടലില്‍ നിന്നും ഭക്ഷണം കഴിച്ച നിഖില്‍ രാജ് എന്ന യുവാവിനാണ് ഈ ഞെട്ടിപ്പിക്കുന്ന ബില്ല് കിട്ടിയത്.

മാധ്യമപ്രവര്‍ത്തകനായ നിഖില്‍ രാജ് ബില്ല് സഹിതം ഫേസ്ബുക്കില്‍ ഇതിനെ സംബന്ധിച്ച് കുറിപ്പിട്ടിരുന്നു. അത് ഇപ്പോൾ വൈറലാകുകയാണ്. മുന്‍പും കരിമ്പിന്‍കാലയിലേയും നാട്ടകത്തെ മറ്റ് ഹോട്ടലുകളിലേയും കഴുത്തറുപ്പന്‍ ബില്ലുകളെ കുറിച്ച് പലരും പരാതിപ്പെട്ടിട്ടുണ്ട്. എന്നാലും ബില്ലുകളുടെ കാര്യത്തില്‍ യാതൊരു വിട്ടുവീഴ്ചയ്ക്കും ഹോട്ടലുകാര്‍ തയ്യാറായിട്ടില്ലെന്നാണ് പരക്കെ ഉയരുന്ന ആക്ഷേപം.

നിഖിന്‍ രാജിന്‍റെ ഫേസ്‍‍ബുക്ക് പോസ്റ്റിന്‍റെ പൂര്‍ണരൂപം

''കോട്ടയം കരിമ്പിന്‍കാല ഹോട്ടലില്‍ നിന്നും ആഢംബരമായ ഒരു ഉച്ചഭക്ഷണം കഴിച്ചു. രുചി വലിയ തരക്കേടില്ല എന്നാല്‍ അവര്‍ ഞങ്ങള്‍ക്ക് ഒരു ബില്ല് സമ്മാനിച്ചു. ഒരു മീൻ വറുത്തതിന് 1000 രൂപ. നിര്‍ഭാഗ്യമെന്ന് പറയട്ടെ ഹോട്ടലുടമക്ക് ഭക്ഷണത്തിന്‍റെ വില അവര്‍ക്ക് തോന്നുന്നതു പോലെ
തീരുമാനിക്കാനുള്ള നിയമം ഇവിടെയുണ്ട്.

എത്ര ബില്ലിട്ടാലും കസ്റ്റമര്‍ക്ക് അത് മിണ്ടാതെ അനുസരിക്കുകയേ മാര്‍ഗമുള്ളു. എന്നാല്‍ ഇത്തരം ബില്ലുകള്‍ കണ്ട് ഞെട്ടാന്‍ ശക്തിയില്ലാത്തവര്‍ ദയവായി കരിമ്പിന്‍കാലയില്‍ കയറരുത്.''





rs 1000 billed for a Fish Fry in Karimpinkala Hotel, Kottayam; Facebook post goes Viral

rs 1000 billed for a Fish Fry in Karimpinkala Hotel, Nattakam, Kottayam; journalist's Facebook post goes Viral on Social Platforms