വിവരാവകാശ നിയമം തലവേദനയാകുന്നു!!

അഹമ്മദബാദ് : വിവരാവകാശ നിയമം (ആര്‍ടിഐ) സര്‍ക്കാരുകളുടെ ഭരണപ്രക്രിയകളെ കുറിച്ച് ജനങ്ങള്‍ക്ക് കൂടുതല്‍ അറിയാനുള്ള എല്ലാ അവകാശവും നല്‍കുന്നു. ഇതിനായി ഏറ്റവും കുറഞ്ഞ ഫീസാണ് ഈടാക്കുന്നത്.

എന്നാല്‍ ഗുജറാത്തില്‍ ആര്‍ടിഐ നിയമം സര്‍ക്കാര്‍ ഉദ്യേഗസ്ഥര്‍ക്ക് ഏറെ തലവേദന സൃഷ്ടിച്ചു കൊണ്ടിരിക്കുകയാണ്. വിവരാവകാശ പ്രവര്‍ത്തകര്‍ ആര്‍ടിഐ വഴി ലഭിക്കുന്ന വിവരങ്ങളിലൂടെ ഉദ്യേഗസ്ഥരെ അപമാനിക്കുന്നു എന്ന് റിപ്പോര്‍ട്ട്.

ആര്‍ടിഐയിലൂടെയുള്ള ചോദ്യങ്ങള്‍ക്ക് പലപ്പോഴും ഉത്തരം കൊടുക്കാന്‍ ഉദ്യോഗസ്ഥര്‍ക്ക് ബുദ്ധിമുട്ടാണ്. പല വകുപ്പുകളിലും ആവശ്യത്തിന് ഉദ്യോഗസ്ഥര്‍ ഇല്ലാത്തതിനാല്‍ ചോദ്യള്‍ക്ക് മണിക്കൂറുകള്‍ ചെലവഴിച്ച് ഉത്തരം കണ്ടെത്തുന്നതും ശ്രമകരമാണ്.

ശരാശരി 10 അപേക്ഷകള്‍ ഒരോ ദിവസവും ആയിരത്തോളം അപേക്ഷകള്‍ ഒാരോ മാസവും ലഭിക്കുന്നുണ്ടെന്ന് കണക്കുകള്‍ സൂചിപ്പിക്കുന്നു.

ആര്‍ടിഐയിലൂടെ ചോദിച്ച രസകരമായ ചില ചോദ്യങ്ങള്‍ ഇതാ :

1. ഹിന്ദുവായ ഏതെങ്കിലും ഉദ്യോഗസ്ഥന്‍ മുസ്ളിം ആചാരപ്രകാരമുള്ള വസ്ത്രം ധരിച്ചെത്തിയാല്‍ അതിനെതിരെ നടപടി സ്വീകരിക്കാന്‍ വകുപ്പുണ്ടോ. അങ്ങനെയുള്ളവര്‍ക്ക് സ്ഥലം മാറ്റം കൊടുക്കാന്‍ സാധിക്കുമോ?

2. കൂടുതല്‍ സിന്ദൂരം ഉപയോഗിക്കുന്ന സ്ത്രീകള്‍ക്ക് സ്ഥലം മാറ്റം നല്‍കാന്‍ സാധിക്കുമോ?

3.അനുമോദനങ്ങള്‍ അയക്കാന്‍ സര്‍ക്കാര്‍ തലത്തില്‍ പ്രത്യേക രൂപരേഖ നിലവിലുണ്ടോ?

4. സെക്രട്ടേറിയറ്റ് ഒരു ദിവസം എത്ര പേര്‍ സന്ദര്‍ശിക്കാറുണ്ട്?

പത്തു വര്‍ഷത്തിലേറെ പഴക്കമുള്ള ഫയലുകള്‍ വരെ ഉദ്യോഗസ്ഥര്‍ക്ക് ഉത്തരം കണ്ടെത്താനായി പരിശോധിക്കേണ്ടി വരാറുണ്ട്.