ചികിത്സയ്‌ക്കെത്തിയ യുവതിയെ ജീവനോടെ എംബാം ചെയ്ത് ഡോക്ടർമാർ

അണ്ഡാശയ മുഴ നീക്കം ചെയ്യാനെത്തിയ യുവതിയെ ഡോക്ടർമാർ ജീവനോടെ എംബാം ചെയ്തു. റഷ്യയിലെ യൂലിനോക്സ് ആശുപത്രിയിലാണ് ഞെട്ടിക്കുന്ന ഈ സംഭവം നടന്നത്. അണ്ഡാശയ മുഴ ശസ്ത്രക്രിയയിലൂടെ നീക്കം ചെയ്യാനായിരുന്നു 27 കാരിയായ എക്കാറ്ററീന ഫെദ്യേവ ആശുപത്രിയിൽ എത്തിയത്. ശസ്ത്രക്രിയക്ക് ശേഷം യുവതിക്ക് നൽകേണ്ട സലൈൻ ലായനിക്ക് പകരം ഫോർമാലിൻ കുത്തിവയ്ക്കുകയായിരുന്നു. ശവശരീരങ്ങൾ അഴുകാതെ സൂക്ഷിക്കാൻ ഉപയോഗിക്കുന്ന രാസവസ്തുവാണ് ഫോർമാലിൻ.



ഫോർമാലിൻ കുത്തിവെച്ച ഉടൻ എക്കാറ്ററീന കോമ അവസ്ഥയിലേക്ക് നീങ്ങി. ജീവനുണ്ടെന്ന് മനസിലായ ഉടനെ ഡോക്ടർമാർ ശരീരത്തിൽ നിന്നും ഫോർമാലിൻ നീക്കം ചെയ്യാൻ ശ്രമിച്ചുവെങ്കിലും ശ്രമം വിജയിച്ചില്ല. കോമ അവസ്ഥയിലായ എക്കാറ്ററീന മരണത്തിന് കീഴടങ്ങി. ആന്തരികാവയവങ്ങൾ പ്രവർത്തന രഹിതമായതാണ് മരണത്തിന് കാരണമായത്. ആശുപത്രി ജീനവക്കാരുടെ അനാസ്ഥ മാധ്യമങ്ങളിൽ ചർച്ചയായതോടെ അന്വേഷണത്തിന് സർക്കാർ ഉത്തരവിട്ടു. സംഭവത്തിന് ഉത്തരവാദികളായ ഡോക്ടർമാരെയും മറ്റു ജീവനക്കാരേയും ജോലിയിൽ നിന്ന് പിരിച്ച് വിട്ടു.