പെണ്‍കുട്ടിയെ ആക്രമിക്കുന്ന നീര്‍നായ: വീഡിയോ കാണാം

നീര്‍നായകള്‍ പൊതുവേ നിരുപദ്രവകാരികളാണെങ്കിലും ഇവ അക്രമകാരികളാകാം എന്ന് തെളിയിക്കുന്ന സംഭവമാണ് ഏതാനും ദിവസം മുന്‍പ് കാനഡയില്‍ നടന്നത്. കാനഡയിലെ റിച്ച്‍മണ്ട് ബിസിയിലാണ് എല്ലാവരെയും നടുക്കിയ സംഭവമുണ്ടായത്.

റിച്ച്മണ്ട് ബിസിയിലെ സ്റ്റീവന്‍സണ്‍ ഫിഷര്‍മാന്‍സ് വാര്‍ഫില്‍ കരയ്ക്ക് അടുത്തുവന്ന നീര്‍നായയെ കാണാന്‍ സഞ്ചാരികള്‍ തടിച്ചുകൂടിയപ്പോളാണ് സംഭവം. എല്ലാവരും കൗതുകത്തോടെ കണ്ടുകൊണ്ടിരിക്കുമ്പോളാണ് പെട്ടെന്ന് വെള്ളത്തില്‍നിന്ന് പൊങ്ങിവന്ന നിര്‍നായ സഞ്ചാരികളുടെ കൂട്ടത്തിലുണ്ടായിരുന്ന പെണ്‍കുട്ടിയുടെ വസ്ത്രത്തില്‍ കടിച്ച് വെള്ളത്തിലേക്ക് വലിച്ചുകൊണ്ടുപോയത്.

അതുവരെ ചിരിച്ചുകൊണ്ടുനിന്നവര്‍ ഇതുകണ്ട് നിലവിളിച്ചു. ഉടന്‍തന്നെ കൂട്ടത്തിലൊരാള്‍ വെള്ളത്തിലേക്ക് ചാടി കുട്ടിയെ രക്ഷിക്കുകയായിരുന്നു. കുട്ടിക്ക് പരിക്കുകളൊന്നുമില്ല.




Sea lion snatches little girl off pier and drags her into water

The incident happened in Richmond BC Canada where a sea lion snatched a little girl off pier and draged her into water.