പുകവലി വീക്കനസ് ആയ ആട്; ദിവസേന വേണ്ടത് ഒരു പാക്കറ്റ് സിഗരറ്റ്

പുകവലി ആരോഗ്യത്തിന് ഹാനികരമാണെന്ന് നമ്മുക്ക് ഏവർക്കും അറിയാം. പുകയിലയും പുകയില ഉല്പന്നങ്ങൾക്കും നിയന്ത്രണമേർത്തിയിരിക്കുന്ന ഇക്കാലത്ത് ഇതൊന്നുമറിയാതെ പുകവലിക്ക് അടിമപ്പെട്ടിരിക്കുന്ന ഒരു ആടുണ്ട്. കർണ്ണാടകയിലെ മാണ്ഡ്യയിലുള്ള ഈ ആടിന് സിഗരറ്റ് ഒരു വീക്കനസ് ആണ്. പുകവലിക്കാതെ ഒരുദിവസവും പോലും ജീവിക്കാൻ കഴിയില്ല എന്ന അവസ്ഥയിലാണ് ഈ ആട്. ഒരു ദിവസം ഇവന് ഒരു പാക്കറ്റ് സിഗരറ്റ് വേണ്ടിവരുമെന്നാണ് ഉടമയായ യശ്വന്ത് പറയുന്നത്. പുകവലി ശീലമുള്ള യശ്വന്ത് തന്നെയാണ് ആടിനെയും പുകവലിക്കാൻ ശീലിപ്പിച്ചത്.



ദിവസവും ഒരു പാക്കറ്റ് സിഗരറ്റെങ്കിലും ഈ ആടിന് വലിക്കുകയോ തിന്നുകയോ വേണം. പച്ചില പോലെ പുകയിലയും ഈ ആട് ചവച്ചിറക്കും. മൂന്നര വയസ്സുള്ളപ്പോഴാണ് ആട് പുകവലി ആരംഭിച്ചത്. പുകവലി വീക്കനസ് ആയിട്ട് ഇപ്പോൾ ഒരു വർഷത്തോളമായി. പുകയില വില്പനക്കാരനായ ഉടമ കളയുന്ന പുകയിലയുടെ അവശിഷ്ടങ്ങൾ കഴിച്ചാണ് ആട് പുകവലിയുടെ ലോകത്തേക്ക് കടന്നുവന്നത്.



മാണ്ഡ്യയിൽ ആടുകൾക്കും പശുക്കൾക്കും മരുന്നായി പുകയില നൽകാറുണ്ടെന്നാണ് കർഷകർ പറയുന്നത്. ചെള്ളുകളെയും കീടങ്ങളെയും അകറ്റി നിർത്താൻ വേണ്ടിയാണിത് നൽകുന്നത്. മാരക അസുഖങ്ങൾ പിടിപ്പെട്ടാൽ കൂടിയും പുകയില നൽകിയാൽ ഇവയ്ക്ക് സുഖംപ്രാപിക്കാറുണ്ടെന്നാണ് ഇവിടുത്തെ കർഷകർ പറയുന്നത്.



എന്നാൽ ​ ഇതു ശാസ്ത്രീയമായി തെളിയിച്ചിട്ടില്ല. പുകവലിക്കുന്നതും പുകയില തിന്നുന്നതും മൃഗങ്ങളിൽ മാരകമായ രോഗത്തിന് കാരണമായി തീരുമെന്നാണ് മൃഗഡോക്ടർമാർ അഭിപ്രായപ്പെടുന്നത്. ഇതിനെതിരെ മൃഗസ്നേഹികളും രംഗത്ത് വന്നിട്ടുണ്ട്.