ഗുജറാത്തിൽ കോണ്‍ഗ്രസിനായി മത്സരിക്കാൻ ഒരു സുന്ദരി

മണിനഗര്‍ : ഗുജറാത്ത് ഇലക്ഷനില്‍ ബിജെപി യും കോണ്‍ഗ്രസും ഒപ്പത്തിനൊപ്പമുള്ള പ്രചാരണങ്ങളില്‍ കളം നിറയുകയാണ്. 20 വര്‍ഷത്തിലധികമായി സംസ്ഥാന ഭരണം കൈയ്യാളുന്ന ബിജെപിയില്‍ നിന്നും അധികാരം തിരിച്ച് പിടിക്കുക എന്നത് അത്ര എളുപ്പമുള്ള കാര്യമല്ലെന്ന് അറിയാമെങ്കിലും മാറി വന്ന രാഷ്ട്രീയ സാഹചര്യങ്ങള്‍ തങ്ങള്‍ക്ക് അനുകൂലമാണെന്ന ഉറച്ച വിശ്വാസത്തിലാണ് കോണ്‍ഗ്രസ്. ഡിസംബര്‍ 9 നാണ് വോട്ടെടുപ്പ് നടക്കുന്നത്.

യുവാക്കള്‍ക്കും വനിതകള്‍ക്കും പ്രാധാന്യം നല്‍കുന്ന ആദ്യ ഘട്ട സ്ഥാനാര്‍ത്ഥി പട്ടികയാണ് കോണ്‍ഗ്രസ് ഞായറാഴ്ച വൈകുന്നേരത്തോടെ പുറത്തിറക്കിയത്.ഇക്കൂട്ടത്തില്‍ തന്റെ യുവത്വത്തിന്റെ പ്രസരിപ്പും വിദ്യാഭ്യാസ യോഗ്യതകള്‍ കൊണ്ടും ഏറെ ശ്രദ്ധ നേടിയിരിക്കുകയാണ് ശ്വേത ബ്രഹ്മബട്ട് എന്ന 34 കാരി. മണിനഗര്‍ മണ്ഡലത്തിലാണ് ശ്വേത കോണ്‍ഗ്രസിനായി മത്സരത്തിനിറങ്ങുന്നത്. ലണ്ടനില്‍ നിന്നും എംബിഎ ബിരുദം കൈക്കലാക്കിയതിന് ശേഷം നിരവധി വിദേശ ബാങ്കുകളില്‍ സേവനമനുഷ്ഠിച്ചു. ഇത് കൂടാതെ ബാംഗ്ലൂരിലെ ഐഐഎമ്മിലെ രാഷ്ട്രീയ നേതൃത്വ കോഴ്‌സിലെ അനുഭവങ്ങളും ശ്വേതയ്ക്കും ഗുണകരമാകുമെന്നുമാണ് കണക്കുകൂട്ടൽ.