സ്മ്യൂളിൽ പാട്ടു പാടി ഹിറ്റായ ഈ സുന്ദരി ഒരു നടിയാണേ...

സ്മ്യൂൾ പാട്ടുകൾ തരംഗമാവുകയാണ് ഇപ്പോൾ ഫേസ്ബുക്കിൽ. ഓരോ ദിവസവും നിരവധിപേരുടെ സ്മ്യൂൾ പരീക്ഷണങ്ങളാണെത്തുന്നത്. കൂട്ടത്തിൽ ചില നടന്മാരും നടിമാരുമൊക്കെ ഭാഗ്യം പരീക്ഷിക്കാനെത്തുന്നുണ്ട്. അക്കൂട്ടത്തിൽ ഇന്ന് ഹിറ്റായത് ഒരു നടയുടെ പാട്ടാണ്. എന്നാൽ ഇവർ നടിയാണെന്ന് പലർക്കും അറിയില്ലായിരുന്നു. രണ്ട് തമിഴ് ചിത്രങ്ങളിലും ഒരു മലയാള ചിത്രത്തിലും ഇവർ മുഖം കാണിച്ചിട്ടുണ്ടെന്ന് പിന്നീട് ഫേസ്ബുക്കിൽ ചിലർ കണ്ടെത്തി. തമിഴ് നടി ആത്മീയയാണ് സ്മ്യൂളിലെ ഈ താരം. പുതിയമുഖം എന്ന തമിഴ് ചിത്രത്തിൽ എ.ആർ റഹ്മാൻ ഈണമിട്ട് സുജാത പാടി ഹിറ്റാക്കിയ നേട്രു ഇല്ലാത്ത മാറ്റ്രം എന്ന പാട്ടാണ് പാടിയിരിക്കുന്നത്. ഇതനകം പതിനായിരത്തിലധികം പേർ പാട്ട് കണ്ടുകഴിഞ്ഞു. മാനം കൊത്തി പറവൈ, പൊങ്കഡി നീങ്കളും ഉങ്ക കാതലും, റോസ് ഗിറ്റാറിനാൽ തുടങ്ങിയവയാണ് ആത്മീയ അഭിനയിച്ച ചിത്രങ്ങൾ.



Actress athmiya smule
Actress Athmiya's smule song goes viral.