കശ്‌മീരി പോലീസുകാരന് അതിർത്തി കടന്ന് മംഗല്യം

ശ്രീനഗർ: താഴ്‌വരയിൽ സംഘർഷം തുടരുന്നതിനിടയിൽ അതിർത്തി കടന്നൊരു ‌കല്യാണം. ശ്രീനഗറിലെ പോലീസുകാരൻ പാക് അധീന കശ്‌മീരിൽ നിന്നുള്ള പെൺകുട്ടിയെ വിവാഹം കഴിച്ചു. ശ്രീനഗറിൽ സബ് ഇൻസ്‌പെക്‌ടറായ ഉവൈസ് ഗീലാനിയും പാക് അധീന കശ്‌മീരിൽ നിന്നുള്ള ഫൈസ ഗീലാനിയുമാണ് ‌കഴിഞ്ഞ ദിവസം വിവാഹിതരായത്.

പാക് അധീന കശ്‌മീരിന്റെ തലസ്ഥാനമായ മുസാഫർബാദാണ് പെൺകുട്ടിയുടെ ജന്മസ്ഥലം. നിയന്ത്രണ രേഖയിലെ സംഘർഷങ്ങൾ ‌മൂലം ബന്ധുക്കളും അടുത്ത സുഹൃത്തുക്കളും മാത്രമാണ് വിവാഹത്തിൽ പങ്കെടുത്തത്.

വരനായ ഉവൈസ് ഗീലാനിയുടെ പിതാവ് ഷാബിർ ഗീലാനിയും കശ്‌മീർ പോലീസിൽ സൂപ്രണ്ടായി വിരമിച്ച ആളാണ്. ഇന്ത്യ - പാക്ക് വിഭജനത്തിൽ വേർപ്പെട്ടുപോയ കുടുംബാംഗങ്ങളെ സന്ദർശിക്കാൻ അദ്ദേഹം 2014ൽ മുസാഫർബാദിലേക്ക് പോയിരുന്നു. തുടർന്നാണ് ‌കുടുംബങ്ങളെ ഒന്നിപ്പിക്കാൻ ഫൈസയും ഉവൈസുമായുള്ള ‌വിവാഹം ഇരു‌വീട്ടുകാരും തീരുമാനിച്ചത്.