3 വയസ്സുകാരിയെ ചാക്കില്‍ കെട്ടി മര്‍ദ്ദിച്ചു; രണ്ടാനമ്മ അറസ്റ്റിൽ

ചത്തീസ്ഗഡ്: മൂന്ന് വയസ്സ് മാത്രം പ്രായമുള്ള പിഞ്ചുകുഞ്ഞിനെ രണ്ടാനമ്മ ചാക്കില്‍ കയറ്റി ക്രൂരമായി മര്‍ദ്ദിച്ചു. ചാക്കിനുള്ളില്‍ പേടിച്ചരണ്ട് നിലവിളിച്ച് കേണപേക്ഷിച്ചിട്ടും പീഡനം തുടര്‍ന്നു. അനിയത്തിയെ മര്‍ദിക്കുന്നതിന്റെ ദൃശ്യങ്ങള്‍ ചേട്ടന്‍ മൊബൈല്‍ ഫോണില്‍ പകര്‍ത്തിയതോടെയാണ് ഞെട്ടിക്കുന്ന വിവരം പുറംലോകം അറിഞ്ഞത്.

ജസ്പ്രീത് കൗര്‍ എന്ന സ്ത്രീയാണ് ഭര്‍ത്താവിന്റെ ആദ്യ വിവാഹത്തില്‍ ജനിച്ച മൂന്നരവയസുകാരിയെ അതിക്രൂരമായി മര്‍ദിച്ചത്. സംഭവത്തിന്റെ വീഡിയോ ദൃശ്യങ്ങള്‍ കണ്ട ഭര്‍ത്താവ് ഭാര്യയ്ക്കെതിരെ പോലീസില്‍ പരാതി നല്‍കിയതോടെ യുവതി അറസ്റ്റിലായി.


കുഞ്ഞിനെ ചാക്കില്‍ കെട്ടി ഭയപ്പെടുത്തുകയും നിലത്ത് മുട്ടിക്കുകയും ചെയ്യുന്ന വീഡിയോ ആണ് പുറത്തു വന്നിരിക്കുന്നത്. ചാണ്ട് ഇരുവശത്തേയ്ക്കും ഉലയ്ക്കുകയും ഭയസ്സു വിറച്ച് കുഞ്ഞ് നിലവിളിക്കുന്നതും വിഡിയോയില്‍ കാണാം. കുഞ്ഞിനെ നിരന്തരമായി പീഡിപ്പിക്കുന്ന് മറ്റ് ദൃശ്യങ്ങളും പുറത്തു വന്നിട്ടുണ്ട്.

ഒന്നര വര്‍ഷം മുന്‍പാണ് ജസ്പ്രീതിനെ താന്‍ വിവാഹം കഴിച്ചതെന്നും അവര്‍ക്ക് ആദ്യഭര്‍ത്താവില്‍ ഏഴു വയസ്സുകാരിയായ മറ്റൊരു പെണ്‍കുട്ടി ഉണ്ടെന്നും മന്‍മോഹന്‍ പറയുന്നു. വിഡിയോ ശ്രദ്ധയില്‍ പെട്ടതോടെ ചത്തീസ്ഗഡ് ബാലാവകാശ കമ്മിഷനും വിഷയത്തില്‍ ഇടപെട്ടിട്ടുണ്ട്. കുട്ടികളുടെ മാതാപിതാക്കളോട് ഹാജരാകാന്‍ കമ്മിഷന്‍ ചെയര്‍മാന്‍ ഹരിന്ദര്‍ കൗര്‍ ആവശ്യപ്പെട്ടിട്ടുണ്ട്.