ഡി ജെ ബ്രാവോയ്ക്ക് 76 ലക്ഷം കാഴ്ചക്കാർ

ഐസിസി വേൾഡ് ട്വന്‍റി 20 കിരീടം കൂടി നേടിയതോടെ സോഷ്യൽ മീഡിയയിൽ തരംഗമായി വെസ്റ്റിന്‍ഡീസ് ക്രിക്കറ്റ് താരം ഡ്വെയിൻ ബ്രാവോയുടെ ചാമ്പ്യൻ ഗാനം. ഡ്വെയിൻ ബ്രാവോ പുറത്തിറക്കിയ ഡി ജെ ബ്രാവോ ചാമ്പ്യൻ എന്ന ഗാനമാണ് തരംഗമാവുന്നത്. ടൂർണമെന്‍റ് തുടങ്ങുന്നതിന് ഏറെ നാൾ മുൻപേ ഗാനം റിലീസ് ചെയ്തതാണെങ്കിലും ഇപ്പോഴാണ് ഗാനത്തിന് ഇത്രയും പ്രചാരം ലഭിക്കുന്നത്. 76 ലക്ഷത്തിൽപ്പരം പേർ ഗാനം ഇതിനകം യുട്യൂബിലൂടെ കണ്ടു കഴിഞ്ഞു. ഗാനത്തിന്‍റെ കാഴ്ചക്കാരുടെ എണ്ണം 50 ലക്ഷം പിന്നിട്ടതിന്‍റെ സന്തോഷം ബ്രാവോ ട്വിറ്ററിലൂടെ പങ്കുവെച്ചിരുന്നു.