സുരേഷ് റെയ്നയുടെ മ്യൂസിക് വീഡിയോ വൈറലാകുന്നു

മുംബൈ: ക്രിക്കറ്റ് താരം സുരേഷ് റെയ്നയുടെ മ്യൂസിക് വീഡിയോ സൈബറിടങ്ങളിൽ വൈറലാകുന്നു. റെയ്ന സ്വന്തം നിലയില്‍ പുറത്തിറക്കിയ മ്യൂസിക് വീഡിയോയാണ് വൈറലായി മാറുന്നത്. നീലക്കുപ്പായത്തില്‍ മാത്രം നാം കണ്ട് പരിചയിച്ച റെയ്ന വളരെ വ്യത്യസ്തമായൊരു മേഖലയിലേക്ക് കൂടി ചുവടൂന്നുകയാണ് ഈ വീഡിയോയിലൂടെ. ഭാര്യ പ്രിയങ്ക റെയ്ന റെഡ് എഫ്.എമ്മില്‍ അവതരിപ്പിക്കാന്‍ പോകുന്ന പുതിയ പരിപാടിയുടെ ഭാഗമായി പുറത്തിറക്കിയ മ്യൂസിക് വീഡിയോയിൽ ഗായകനായാണ് റെയ്ന പ്രത്യക്ഷപ്പെടുന്നത്.

ഇന്ത്യന്‍ ടീമിലേയ്ക്ക് തിരികെ എത്താനുള്ള ശ്രമത്തിനിടെ വീണു കിട്ടിയ ഈ ഇടവേള വളരെ വ്യത്യസ്തമായൊരു കാര്യത്തിനായാണ് സുരേഷ് റെയ്ന ഉപയോഗിച്ചിരിക്കുന്നത്. അതിനാൽ തന്നെ സോഷ്യൽ മീഡിയയുടെ ഒട്ടേറെ കൈയ്യടികളാണ് താരത്തിന് കിട്ടിവരുന്നത്. മകള്‍ ഗ്രേഷ്യയും ഇരുവര്‍ക്കുമൊപ്പം വീഡിയോയിലുണ്ട്.