അബദ്ധത്തിൽ 'സ്വാദിഷ്ടമായ പാമ്പിൻ ചമ്മന്തി'യുണ്ടാക്കിയ ഒരു വീ‍ട്ടമ്മ

വനപർത്തി: പ്രഭാത ഭക്ഷണത്തിന് 'സ്വാദിഷ്ടമായ ഒരു പാമ്പിൻ ചമ്മന്തി' ആയാലോ, നെറ്റി ചുളിക്കേണ്ട....!!! അങ്ങനെയൊരു 'പരീക്ഷണ'ത്തിന് മുതിര്‍ന്നത് തെലങ്കാനയിലെ വനപര്‍ത്തി ജില്ലയിലെ ഒരു വീട്ടമ്മയാണ്. കാലത്ത് തക്കാളിക്കൊപ്പം പാമ്പിനെയും ചേര്‍ത്ത് ചമ്മന്തി തയ്യാറാക്കിയപ്പോൾ തന്‍റെ ഭക്ഷണത്തിലെ ഈ 'പരീക്ഷണവസ്തു'വിനെ പറ്റി വീട്ടമ്മ പോലും അറിഞ്ഞിരുന്നില്ല എന്നതാണ് ശ്രദ്ധേയം.

രാവിലെ ഗ്രൈന്‍ററില്‍ ചമ്മന്തി തയ്യാറാക്കുമ്പോൾ രാജമ്മ എന്ന വീട്ടമ്മ ഗ്രൈന്‍ററിന്‍റെ കല്ല് ഇടുന്ന കുഴിയിൽ ചുരുണ്ടു കൂടിക്കിടന്ന പാമ്പിനെ ശ്രദ്ധിച്ചില്ല. കല്ലിനും പാമ്പിനും ഒരേ നിറമായതിനാൽ തന്നെ രാജമ്മയുടെ കണ്ണിൽ പെടാത്തതാവാം കാരണം. എന്നാല്‍ സംഗതി അറിയാതെ രാജമ്മ ഗ്രൈന്‍ററിൽ തക്കാളികളിട്ട് അരച്ച് 'ചമ്മന്തി' റെഡിയാക്കി.

വീട്ടിലുള്ള സ്വന്തം മകനും മകളും രാജമ്മയുമടക്കം എല്ലാവരും കഴിച്ച ശേഷം പാടത്ത് പണി ചെയ്യുന്ന തന്‍റെ മൂത്തമകനും ഭക്ഷണം എത്തിച്ചു. എന്നാല്‍ രാജമ്മയുടെ മൂത്തമകനായ സായി കഴിക്കവേയാണ് ഭക്ഷണത്തിലെ അരുചി മനസിലാക്കിയത്. ചമ്മന്തിയില്‍ നിന്നും സായിക്ക് പാമ്പിന്‍റെ തൊലിയും അൽപം ദശയും കിട്ടിയതോടെ മാത്രമാണ് ഭക്ഷണത്തിലെ 'പുതിയ ചേരുവ'യെ മനസിലാക്കിയത്. ഉടൻ തന്നെ സ്പെഷ്യൽ ചമ്മന്തി കഴിച്ച എല്ലാവരും ആശുപത്രിയിലേക്കോടി ചെക്കപ്പുകൾ നടത്തി. പക്ഷേ ഭാഗ്യമെന്ന് പറയട്ടെ ആര്‍ക്കും യാതൊരു കുഴപ്പവുമില്ലെന്നും എല്ലാവരും സുഖമായിരിക്കുന്നുവെന്നും ഡോക്ടര്‍മാര്‍ സാക്ഷ്യപ്പെടുത്തി.

Telangana Woman Grinds Snake Makes Chutney Accidentally

Telangana Woman Grinds Snake, Makes Chutney Accidentally. In a nerve-wracking incident, a woman from Telangana's Wanaparthy District