'ടെലിടബ്ബീസ്'കുസൃതികള്‍ക്ക് വയസ് ഇരുപതായി!

ടെലിടബ്ബീസിനെ ഓര്‍മ്മയില്ലേ? ദൂരദര്‍ശനില്‍ ഉച്ച നേരത്ത് വന്ന് കുസൃതികാട്ടുന്ന നാലുപേര്‍ --- ടിങ്കി-വിങ്കി, ഡിപ്സി, ലാ-ലാ, പോ. നീലയും പച്ചയും മഞ്ഞയും റോസും നിറത്തിലെ നാലുപേര്‍.

പാശ്ചാത്യ രാജ്യങ്ങളില്‍ വമ്പന്‍ ഹിറ്റായ ടെലിടബ്ബീസിന് 20 വയസ് തികയുകയാണ് ഈ വര്‍ഷം. കുന്നിന്‍ മുകളിലെ വീട്ടില്‍ കഴിയുന്ന, സദാ പുഞ്ചിരിക്കുന്ന, ചാടിയും മറിഞ്ഞും സമയം കളയുന്ന ടെലിടബ്ബീസ് 1997 മാര്‍ച്ച് 31ന് ആണ് പുറത്തു വരുന്നത്.

സ്റ്റുഡിയോയില്‍ മാത്രം ഒതുങ്ങി നിന്നിരുന്ന കുട്ടികളുടെ പരിപാടികള്‍ക്ക് പുതിയ മുഖം ടെലിടബ്ബീസ് നല്‍കി. അധികം വൈകാതെ ലോകം മുഴുവന്‍ വ്യാപിച്ച ടെലിടബ്ബീസ് ബിബിസിയുടെ ഏറ്റവും ഹിറ്റ് പരിപാടികളില്‍ ഒന്നായി മാറി. ഇപ്പോഴും വിവിധ രാജ്യങ്ങളിലായി പുതുമ നഷ്ടപ്പെടാതെ ടെലിടബ്ബീസ് സംപ്രേഷണം ചെയ്യുന്നുണ്ട്.

Teletubbies turn 20

BBC's iconic children's program Teletubbies turn 20 on this March 31 and is still running successfully across different Television channels around the world.