കാഴ്ചയില്ലെങ്കിലും പ്രഞ്ചൽ ഐഎഎസ് നേടി; പക്ഷേ...

ജീവിതത്തിൽ ആകസ്മികമായും അല്ലാതെയും പലതും സംഭവിക്കും. ജെഎൻയുവിലെ പിഎച്ച്ഡി വിദ്യാര്‍ത്ഥിയായ ഐഎസ് പ്രഞ്ചലിന്‍റെ കാര്യത്തിലും സംഭവിച്ചത് അതാണ്. മഹാരാഷ്ട്ര ഉല്ലാസ് നഗര്‍ സ്വദേശിനിയാണിവ‍ര്‍. റെറ്റിനയിലുണ്ടായ തകരാര്‍ മൂലം ആറാം വയസ്സിൽ കാഴ്ചശക്തി നഷ്ടപ്പെട്ടു. ബ്രെയിലി ലിപിയായിരുന്നു പിന്നീട് ആശ്രയം. ശേഷം സ്ക്രീൻ റീഡര്‍ സോഫ്റ്റ് വെയര്‍ സഹായത്തോടെ പഠിച്ചു.
മുംബൈ സെന്‍റ് സേവ്യേഴ്സിൽ നിന്ന് ബിരുദവും ജെഎൻയുവിൽ നിന്ന് ബിരുദാനന്തരബിരുദവും നേടി. അതിനുശേഷം സിവിൽ സര്‍വ്വീസ് എന്ന സ്വപ്നം. പരീക്ഷയ്ക്ക് 773 മാര്‍ക്ക് സ്വന്തമാക്കി ഐഎഎസ് നേടി. പ്രഞ്ചലിന്‍റെ ജീവിതത്തോട് പോരാടി വിജയം വരിച്ച ഈ റിപ്പോ‍ർട്ട് മാധ്യമങ്ങളിൽ വന്നതോടെ . ഡൺലപ്പ് കമ്പനി മേധാവി സമര്‍കുമാര്‍ ദത്ത ബക്ഷി തന്‍റെ ഒരു കണ്ണ് പ്രഞ്ചലിന് ദാനം ചെയ്യാൻ തയ്യാറായി മുന്നോട്ടുവന്നു.

ഞാനെത്രനാൾ ജീവിക്കുമെന്നറിയില്ല. പക്ഷേ ഇനി ജീവിക്കാൻ എനിക്കൊരു കണ്ണ് മതി എന്നു പറഞ്ഞായിരുന്നു അദ്ദേഹം ഇതിന് തയ്യാറായത്. പ്രഞ്ചൽ യുവത്വമാണ്. ഇനിയും മുന്നോട്ട് പോകാനുണ്ട്. അതിന് എന്‍റെ ഒരു കണ്ണ് ഉപകരിക്കുമെങ്കിൽ...എന്നു പറഞ്ഞായിരുന്നു അദ്ദേഹം നേത്രദാനത്തിന് തയ്യാറായത്. എന്നാൽ വിധി മറ്റൊരു രൂപത്തിലായിരുന്നു. പ്രഞ്ചലിന് നേത്രദാനവും കാഴ്ചശക്തി നൽകാനാകില്ലെന്ന് വൈദ്യശാസ്ത്രം വിധിയെഴുതി. ഇതോടെ അവസാനപ്രതീക്ഷയും അസ്തമിച്ചെങ്കിലും വീണ്ടും ഉയരങ്ങൾ കീഴടക്കാനാകുമെന്ന ഉൾക്കാഴ്ചയുണ്ട് പ്രഞ്ചലിന്. 66 വയസ്സുള്ള ബക്ഷി ഭാവിയിൽ തന്‍റെ അവയവങ്ങളും ദാനം ചെയ്യാനിരി്കുകയുമാണ്.