​മെഡിക്കൽ കോളേജിൽ ദൈവത്തെപോലൊരു 22-കാരൻ

ഇത് സിബിന്‍ .കേട്ടാല്‍ അന്തം വിട്ടു പോകുന്ന കാര്യങ്ങളാണ് ഈ 22 വയസുകാരന്‍ ചെയ്യുന്നത്. ഫേസ്ബുക്കിൽ നിരവധിപേർ ഈ ചെറുപ്പാക്കരനെകുറിച്ചുള്ള വിവരങ്ങള്‍ പങ്കുവയ്ക്കുന്നുണ്ട്. അവർ പറയുന്നതിങ്ങനെയാണ്. വർഷങ്ങൾക്ക് മുമ്പ് വീട് വിട്ടു കോട്ടയം മെഡിക്കല്‍ കോളേജില്‍ വന്നതാണ്. അന്ന് മുതല്‍ പാവപ്പെട്ടവര്‍ക്കും ആരുമില്ലാത്തവര്‍ക്കും സഹായിയായി ഇവിടെ ഉണ്ട് സിബിന്‍ . രാത്രികാലങ്ങളില്‍ ആശുപത്രി വരാന്തകളില്‍ കിടന്നുറങ്ങി മറ്റുള്ളവരെ സഹായിക്കുന്നതിനു ജീവിതം മാറ്റി വച്ച സിബിന്‍ എല്ലാവർ മാതൃകയാണ്.

ഓരോ ദിവസവും 500 ഓളം ആളുകള്‍ക്ക് സൗജന്യമായി ഭക്ഷണം കൊടുക്കുന്നു ഈ 22 കാരന്‍ .വാടകയ്ക്ക് താമസിക്കാന്‍ പണമില്ലാത്ത കൂട്ടിരിപ്പുകാർക്ക് സൗജന്യമായി താമസ സൗകര്യം കൊടുക്കുന്നു .മറ്റുള്ളവരില്‍ നിന്ന് സംഭാവനകള്‍ സ്വീകരിച്ചാണ് ഇതെല്ലാം ചെയ്യുന്നത്. കോട്ടയം മെഡിക്കല്‍ കോളേജിലെ സർജൻ അജയ് കുമാറാണ് സിബിനെ കുറിച്ച് പുറം ലോകത്തെ അറിയിച്ചത്.ഒരു പഴകിയ വലിയ ഷര്‍ട്ട്‌ ഇട്ട ഒരു ചെറുപ്പക്കാരന്‍. എല്ലാവരും ആദ്യം ശ്രദ്ധിക്കുന്നത് ആ ആള്‍ക്ക് ചെരുപ്പ് ഇല്ല എന്നതാണ് !!! ഈ പ്രായത്തില്‍ ചെരിപ്പിന്റെ അരികില്‍ ഒരു പോറല്‍ വീണാല്‍ പോലും പുതിയ ചെരിപ്പിനായി അത് വാങ്ങാനായി വീട്ടില്‍ ബഹളം വയ്ക്കുന്ന ചെറുപ്പക്കാര്‍ക്കിടയില്‍ സിബിന്‍ വ്യത്യസ്തനാകുന്നു.


ഹോസ്പിറ്റലില്‍ രോഗികള്‍ക്കു വേണ്ട ചെറിയ ഉപകരണങ്ങള്‍ ആവശ്യം വരുമ്പോള്‍ ഇവരെല്ലാം സിബിനെ അറിയിക്കും. സിബിൻ അതെങ്ങിനെയെങ്കിലും അറേഞ്ച് ചെയ്യും. അതെല്ലാം മറ്റുള്ളവരില്‍ നിന്നും പിരിവെടുത്തായിരിക്കും. മറ്റുള്ളവരില്‍ നിന്ന് പിരിവെടുത്തു ചാരിറ്റി ചെയ്യുന്നവർക്കിടയില്‍ സിബിനെ വ്യത്യസ്ഥനാക്കുന്നത് മറ്റൊന്നാണ്. ഈ കിട്ടുന്ന കാശില്‍ നിന്ന് സ്വന്തമാവശ്യത്തിനു ഒരു രൂപ പോലും ആള്‍ എടുക്കാറില്ല .ഉപയോഗിക്കുന്ന ഡ്രസ്സ്‌ പോലും മറ്റുള്ളവര്‍ കൊടുക്കുന്ന പഴയ വസ്ത്രങ്ങള്‍ ആണ്.

ഇതിനിടയിലും സിബിന്‍ വരുമാനം കണ്ടെത്തുന്നുണ്ട്. സ്വന്തമായി 28 ആടുകള്‍ ഉണ്ട് . ഒരു പൊതി ചോറെങ്കിലും കൊടുത്തു സിബിനെ പിന്തുണയ്ക്കാൻ ആവശ്യമുള്ളവർക്ക് വിളിക്കാവുന്ന നമ്പറും ഫേസ്ബുക്കിൽ പങ്കുവച്ചിട്ടുണ്ട്. സിബിന്റെ നമ്പർ - 8547929373. ഈ വരുന്ന 22 തീയതി സിബിന്‍ നേതൃത്വം നല്‍കുന്ന അഭയം ചരിറ്റബിള്‍ ട്രെസ്ടിന്റെ രണ്ടാം വാര്‍ഷികമാണ് സമ്മേളനം ഉത്ഘാടനം ചെയ്യുന്നത് മെഡിക്കല്‍ കോളേജ് സൂപ്രണ്ട് ജയകുമാര്‍ ആണ്.