മീന്‍ വിറ്റും കൂലിപ്പണിയെടുത്തും കോളേജ് അധ്യാപകനായ ഒരാള്‍

ജീവിതത്തില്‍ എന്തിനും ഏതിനും ഒഴിവുകഴിവുകള്‍ പറയുന്നവര്‍ക്ക് പാഠമാകണം നെടുങ്കണ്ടം സ്വദേശി ജോബിന്‍ ജോസഫ് എന്ന കോളേജ് അധ്യാപകന്‍റെ ജീവിതം.

പ്ലസ് ടുവിന് പഠിക്കുന്ന സമയത്ത് ഒരു അപകടത്തില്‍പ്പെട്ട് അമ്മ കിടപ്പിലായതോടെ അധ്വാനിച്ച് ജീവിക്കാന്‍ തീരുമാനിച്ച ജോബിന്‍ തൊഴിലിനൊപ്പം വിദ്യാഭ്യാസവും എന്ന ലക്ഷ്യം മനസ്സില്‍ കൊണ്ടു നടന്നു. ഹോട്ടലില്‍ തൊഴിലാളിയായും മീന്‍ വില്‍പ്പനക്കാരനായും ലോട്ടറി വിറ്റുമെല്ലാം വര്‍ഷങ്ങള്‍ തള്ളി നീക്കി. ബിരുദവും ബിരുദാനന്തര ബിരുദവും ഇതിനിടയില്‍ സ്വന്തമാക്കി.

ഇപ്പോള്‍ ഇടുക്കി മുല്ലക്കാനത്തെ സാന്‍ജോ കോളേജില്‍ അസിസ്റ്റന്‍റ് പ്രൊഫസറാണ് ജോബിന്‍. ജോലിയില്‍ പ്രവേശിച്ച ശേഷം, തന്‍റെ ജീവിതാനുഭവങ്ങള്‍ വിവരിച്ച് ജോബിന്‍ ഫേസ്‍ബുക്കില്‍ പോസ്റ്റ് ഇട്ടു. ഇത് ഉടന്‍ തന്നെ വൈറലാകുകയായിരുന്നു.

ജോബിന്‍റെ പോസ്റ്റ് വായിക്കാം....