ആകാശത്തുനിന്ന് 'മീൻമഴ'; സംഭവം യൂറ്റയില്‍

പലതരത്തിലുള്ള മഴകള്‍ നാം കേട്ടിട്ടും കണ്ടിട്ടും അനുഭവിച്ചിട്ടുമുണ്ട്. മഞ്ഞുമഴ, തീമഴ, കല്‍മഴ അങ്ങനെ നിരവധി. അക്കൂട്ടത്തിലേക്ക് ഇതാ ഒന്നുകൂടി, മീൻമഴ. ഇത് എല്ലാ വര്‍ഷവും സംഭവിക്കുന്നതാണെന്നതാണ് കൗതുകമുള്ള വസ്തതുത. അമേരിക്കയിലെ യൂറ്റാ നിവാസികള്‍ക്ക് കാണാന്‍ കഴിയുന്ന ഒരു അത്ഭുത കാഴ്ച.


എല്ലാ വര്‍ഷവും ആഗസ്റ്റ് മാസത്തില്‍ യൂറ്റയിലെ പാറയിടുക്കുകള്‍ക്കിടയിലെ തടാകത്തിന്
മുകളില്‍ നിലയുറപ്പിച്ച വിമാനത്തില്‍ നിന്നാണ് മീനുകളെ താഴേക്ക് വര്‍ഷിക്കുന്നത്. വര്‍ഷം തോറും ആയിരക്കണക്കിന് മത്സ്യങ്ങളെ വിമാനത്തില്‍ നിന്ന് തടാകത്തിലേക്ക് വര്‍ഷിക്കാറുണ്ട്. ഇവിടെയെത്തുന്ന സഞ്ചാരികള്‍ക്ക് ഇവിടെ മത്സ്യബന്ധനം നടത്തി അത് പാകം ചെയ്ത് കഴിക്കാനുള്ള സൗകര്യവും ഒരുക്കിയിട്ടുണ്ട്.

എല്ലാ വര്‍ഷവും പലയിടങ്ങളില്‍ നിന്നായാണ് ഈ തടാകത്തിലേക്ക് മീന്‍ കൊണ്ടുവരുന്നത്. സംഭവത്തിന്റെ വീഡിയോ ഇപ്പോള്‍ സോഷ്യല്‍ മീഡിയയില്‍ വൈറലായിക്കൊണ്ടിരിക്കുകയാണ്.