കൊച്ചി: ടിക് ടോക്കിലെ കിടിലൻ അമ്മാമ്മയും കൊച്ചുമോനും ഇനി വെള്ളിത്തിരയിലേക്ക്. നവാഗത സംവിധായകനായ ബിൻഷാദ് നാസര് ഒരുക്കുന്ന‘സുന്ദരൻ സുഭാഷ്’ എന്ന ചിത്രത്തിലൂടെയാണ് ഇരുവരുടേയും സിനിമയിലേക്കുള്ള പ്രവേശനം. എറണാകുളം ജില്ലയിലെ പറവൂർ സ്വദേശികളാണ് അമ്മാമ്മ എൺപത്തിയഞ്ചുവയസ്സുള്ള മേരി ജോസഫും കൊച്ചു മകന് ജിന്സണും. വിദേശത്തായിരുന്ന ജിൻസൺ നാട്ടിലെത്തിയപ്പോഴാണ് അമ്മാമ്മയ്ക്കൊപ്പം ടിക് ടോക്ക് വീഡിയോകള് എടുത്തുതുടങ്ങിയത്. സംഭവം വൈറലായതോടെ ഇവരുടെ സമയം തെളിയുകയായിരുന്നു. ജിൻസൺ തന്നെ ഫേസ്ബുക്കിലൂടെയാണ് തങ്ങളെ സിനിമയിൽ എടുത്ത വിവരം പങ്കുവച്ചിരിക്കുന്നത്. എല്ലാവരുടെയും പ്രോത്സാഹനവും പ്രാർത്ഥനയും തുടര്ന്നും തങ്ങൾക്ക് വേണമെന്നും ജിൻസൺ അഭ്യര്ത്ഥിക്കുന്നുണ്ട്.
ന്യൂജൻ കുട്ടികളുടെ ഇഷ്ട ഇടമായ ടിക് ടോക്കിൽ വിരളമായി മാത്രമേ പ്രായമായവരെ കാണാറുള്ളു. അവിടെയാണ് അമ്മാമ്മ നിരവധി ആരാധകരെ ഉണ്ടാക്കിയത്. അതിനുള്ള എല്ലാ ക്രെഡിറ്റും എന്റെ കൊച്ചുമോനുള്ളതാണെന്നാണ് അമ്മാമ്മ എപ്പോഴും പറയാറുള്ളതും.
ന്യൂജൻ കുട്ടികളുടെ ഇഷ്ട ഇടമായ ടിക് ടോക്കിൽ വിരളമായി മാത്രമേ പ്രായമായവരെ കാണാറുള്ളു. അവിടെയാണ് അമ്മാമ്മ നിരവധി ആരാധകരെ ഉണ്ടാക്കിയത്. അതിനുള്ള എല്ലാ ക്രെഡിറ്റും എന്റെ കൊച്ചുമോനുള്ളതാണെന്നാണ് അമ്മാമ്മ എപ്പോഴും പറയാറുള്ളതും.