കോട്ടയം: കേരളത്തെ കഴുത്തറ്റം വെള്ളത്തില് മുക്കിയ മഹാപ്രളയത്തിൽ ദുരിതത്തിലായവരെ സഹായിക്കാൻ കയ്യിലെ ചില്ലറതുട്ടുകള് എണ്ണിയെടുത്ത് 94 രൂപ നൽകിയ ഭിക്ഷക്കാരനെ കുറിച്ചുള്ള കുറിപ്പ് ശ്രദ്ധേയമാകുന്നു. തെരുവിൽ ഭിക്ഷയെടുക്കുന്ന മോഹനൻ എന്ന പഴയ ആനക്കാരനെ പറ്റിയാണ് ഇൗരാറ്റുപേട്ട മുൻ മുൻസിപ്പൽ ചെയർമാൻ ടി.എം.റഷീദ് ഫേസ്ബുക്കിൽ എഴുതിയിരിക്കുന്നത്.
പലയിടത്തും അലഞ്ഞുതിരിഞ്ഞുള്ള ജീവിതത്തിനിടയിലും പത്രം കൃത്യമായി വായിക്കാറുണ്ട് മോഹനൻ എന്ന ഈ പഴയ ആനക്കാരൻ. അങ്ങനെയാണ് കേരളത്തെ നടുക്കുന്ന മഹാപ്രളയത്തിന്റെ തീവ്രത അദ്ദേഹം അറിഞ്ഞത്. അങ്ങനെ കയ്യിലുള്ള ചില്ലറത്തുട്ടുകളുമായി റഷീദിന്റെ വീട്ടിലേക്ക് അദ്ദേഹം എത്തുകയായിരുന്നു.
പണം ആവശ്യപ്പെട്ട് വന്നതാണെന്ന് കരുതി റഷീദ് ഇരുപതു രൂപ മോഹനന് വച്ച് നീട്ടി. എന്നാൽ മോഹനൻ വീടിന്റെ ചവിട്ടുപടിയില് ഇരുന്നു. മുഷിഞ്ഞ നോട്ടുകളും ചില്ലറകളും എണ്ണി തിട്ടപ്പെടുത്തി മോഹനൻ ആ തുക റഷീദിനു നേരെ നീട്ടി . 94 രൂപ. ‘‘മുഖ്യമന്ത്രി സാറിന്റെ ദുരിതാശ്വാസ ഫണ്ടിേലക്ക് കൊടുക്കണം. എനിക്ക് അറിയില്ല എങ്ങനെയാ പണം നൽകേണ്ടതെന്ന്. സാർ ചെയ്താ മതി.’’ ഇത്രയും പറഞ്ഞ് അയാൾ നടന്നകന്നുവെന്ന് റഷീദിന്റെ വാക്കുകള്.
പൂഞ്ഞാർ കല്ലേക്കുളം സ്വദേശിയാണ് മോഹനനെ വർഷങ്ങൾക്ക് മുൻപ് ആന പട്ടകൊണ്ട് അടിച്ചതിനെത്തുടർന്നാണ് ഒരു കാലിന് സ്വാധീനം നഷ്ടമായത്. ആരുമില്ലാത്ത മോഹനൻ അതോടെ തെരുവിലിറങ്ങുകയായിരുന്നു.
മോഹനനെ കുറിച്ചുള്ള റഷീദിന്റെ കുറിപ്പ് വായിക്കാം...
പലയിടത്തും അലഞ്ഞുതിരിഞ്ഞുള്ള ജീവിതത്തിനിടയിലും പത്രം കൃത്യമായി വായിക്കാറുണ്ട് മോഹനൻ എന്ന ഈ പഴയ ആനക്കാരൻ. അങ്ങനെയാണ് കേരളത്തെ നടുക്കുന്ന മഹാപ്രളയത്തിന്റെ തീവ്രത അദ്ദേഹം അറിഞ്ഞത്. അങ്ങനെ കയ്യിലുള്ള ചില്ലറത്തുട്ടുകളുമായി റഷീദിന്റെ വീട്ടിലേക്ക് അദ്ദേഹം എത്തുകയായിരുന്നു.
പണം ആവശ്യപ്പെട്ട് വന്നതാണെന്ന് കരുതി റഷീദ് ഇരുപതു രൂപ മോഹനന് വച്ച് നീട്ടി. എന്നാൽ മോഹനൻ വീടിന്റെ ചവിട്ടുപടിയില് ഇരുന്നു. മുഷിഞ്ഞ നോട്ടുകളും ചില്ലറകളും എണ്ണി തിട്ടപ്പെടുത്തി മോഹനൻ ആ തുക റഷീദിനു നേരെ നീട്ടി . 94 രൂപ. ‘‘മുഖ്യമന്ത്രി സാറിന്റെ ദുരിതാശ്വാസ ഫണ്ടിേലക്ക് കൊടുക്കണം. എനിക്ക് അറിയില്ല എങ്ങനെയാ പണം നൽകേണ്ടതെന്ന്. സാർ ചെയ്താ മതി.’’ ഇത്രയും പറഞ്ഞ് അയാൾ നടന്നകന്നുവെന്ന് റഷീദിന്റെ വാക്കുകള്.
പൂഞ്ഞാർ കല്ലേക്കുളം സ്വദേശിയാണ് മോഹനനെ വർഷങ്ങൾക്ക് മുൻപ് ആന പട്ടകൊണ്ട് അടിച്ചതിനെത്തുടർന്നാണ് ഒരു കാലിന് സ്വാധീനം നഷ്ടമായത്. ആരുമില്ലാത്ത മോഹനൻ അതോടെ തെരുവിലിറങ്ങുകയായിരുന്നു.
മോഹനനെ കുറിച്ചുള്ള റഷീദിന്റെ കുറിപ്പ് വായിക്കാം...