നിഷ്കളങ്ക സൗഹൃദത്തിന് ഇതിലും വലിയ ഉദാഹരണമുണ്ടാകില്ല

കുഞ്ഞുങ്ങളുമായുള്ള സൗഹൃദം എന്നും നിഷ്കളങ്കമായിരിക്കും. അത് ആരുമായുമാകട്ടെ, ഇവര്‍ തമ്മിലുള്ള് സൗഹൃദ സംഭാഷണങ്ങൾ നോക്കി നിക്കാൻ തന്നെ എന്തു സുഖമാണ് അല്ലേ. അത്തരത്തിലൊരു സൗഹൃദത്തിന്‍റെ വീഡിയോ ആണ് ഇപ്പോൾ സാമൂഹ്യ മാധ്യമങ്ങളിൽ വൈറലാകുന്നത്. കുരുന്നിന്‍റെ വിശപ്പകറ്റാൻ ഉറ്റ സുഹൃത്തുമായി ചേര്‍ന്ന് നടത്തുന്ന ഒരഭ്യാസമാണ് വീഡിയോയിലുള്ളത്. മുന്നോ നാലോ വയസുള്ള വരുന്ന കുഞ്ഞ് തന്‍റെ ഉറ്റ സുഹൃത്തായ വളര്‍ത്തു നായയെയാണ് വിശപ്പകറ്റാനുള്ള മാര്‍ഗം തേടാൻ കൂടെ കൂട്ടിയത്. ഇരുവരുമൊന്നിച്ച് ഫ്രിഡ്ജ് തുറക്കുന്നതും ഭക്ഷണം പരതുന്നതിന്‍റെയും രസകരമായ കാഴ്ച സൈബര്‍ ലോകം കീഴടക്കുകയാണ്. 45 സെക്കന്‍റ് നീളമുള്ള ഈ വീഡിയോ ഇതിനോടകം കണ്ടത് 7 കോടിയിലേറെ പേരാണ്.

റോബ് ഹെര്‍ബര്‍ട്ട് എന്ന വ്യക്തിയാണ് ഇത് ഫേസ്ബുക്കില്‍ പോസ്റ്റ് ചെയ്തത്. കേവലം ഒരാഴ്ചയ്ക്കുള്ളില്‍ തന്നെ കാഴ്ചക്കാരുടെ എണ്ണം ഏഴരക്കോടി കവിഞ്ഞു.

വീഡിയോ കാണാം:


“നിങ്ങള്‍ക്ക് സഹായം ആവശ്യമുള്ളപ്പോള്‍ എന്തുചെയ്യും? അപ്പോള്‍ ആരാണ് നിങ്ങളുടെ സുഹൃത്ത് എന്നു കണ്ടു പിടിക്കും. (നിങ്ങള്‍ ഭക്ഷണം കൊടുക്കാതിരിക്കുകയും ഫ്രിഡ്ജില്‍ തൂങ്ങിക്കിടക്കാന്‍ നിങ്ങളെ വിട്ടിട്ട് പോകുന്നതുവരെ)” എന്നു തമാശയെന്നോണം റോബര്‍ട്ട് കുറിച്ചിട്ടുമുണ്ട്. ഒരു ലക്ഷത്തിലേറെ പേരാണ് വീഡിയോ ഇതിനോടകം പങ്കുുവെച്ചിരിക്കുന്നത്. 80,000-ത്തോളം പേരാണ് വീഡിയോക്ക് സരസമായ ശൈലിയിൽ കമന്‍റ് ചെയ്തിരിക്കുന്നത്.

“ഇതാണ് ടീം വര്‍ക്ക് എന്നു പറഞ്ഞാല്‍. ലെറോയി (വളര്‍ത്തുനായ) വളരെ ക്ഷമയുള്ളവനാണ്. ഇത് എത്ര കണ്ടിട്ടും മതിവരുന്നില്ല”- അമാന്‍ഡ ലോവെല്‍ എന്ന വ്യക്തിയുടെ കമന്‍റ് ഇങ്ങനെയായിരുന്നു. എന്നാല്‍ കുട്ടികളെ നായ്ക്കളുടെ പുറത്ത് കയറുന്നത് പ്രോത്സാഹിപ്പിക്കരുതെന്നും പലരും ചൂണ്ടിക്കാട്ടുന്നുണ്ട്. നായ്ക്കളെയും ബഹുമാനിക്കാന്‍ കുട്ടികളെ പഠിപ്പിക്കണമെന്ന് വേറിട്ട കമന്‍റിട്ട് ശ്രദ്ധേയമായത് ഡീ ഡ്രൈവര്‍ എന്ന വ്യക്തിയാണ്.

Toddler, Dog Team Up To Raid Fridge In Viral Video

A viral video shows a toddler in his nappies position his faithful pet dog by a fridge in an attempt to score some mid-day munchies