പിറന്ന് നിമിഷങ്ങൾക്കകം അമ്മയെ പുണർന്ന് ഉമ്മവയ്ക്കുന്ന കുഞ്ഞ്

ഒരമ്മയും കുഞ്ഞുമാണിപ്പോൾ സാമൂഹ്യ മാധ്യമങ്ങളിലെ താരം. ജനിച്ചുവീണയുടനെ അമ്മയെ കെട്ടിപ്പിടിച്ച് കവിളിലും മൂക്കിലും ഉമ്മവയ്ക്കുന്ന കുഞ്ഞിന്‍റെ ചിത്രം വൈറലാവുകയാണ്. ബ്രസീലിലെ സാന്‍റ മോണിക്ക ആശുപത്രിയിൽ ബ്രന്‍റെ കോയില്‍ഹോ ഡി സൗസ എന്ന 24കാരി ഇക്കഴിഞ്ഞ അഞ്ചാം തീയതിയാണ് ഒരു പെൺകുഞ്ഞിന് ജന്മം നൽകിയത്.

ജനിച്ചയുടനെ ഡോക്ടർമാർ ചേർന്ന് കുഞ്ഞിനെ അമ്മയ്ക്കരികിൽ കിടത്തിയപ്പോഴാണ് കുഞ്ഞ് അമ്മയെ പുണർന്ന് ഉമ്മ വെക്കാൻ തുടങ്ങിയത്. കൗതുകം തോന്നിയ ആശുപത്രി ജീവനക്കാർ വീഡിയോ എടുത്ത് സാമൂഹ്യ മാധ്യമങ്ങളിൽ പങ്കുവെക്കുകയായിരുന്നു. വീഡിയോയ്ക്ക് നിരവധി ലൈക്കുകളും കമന്‍റുകളും ലഭിച്ചിട്ടുണ്ട്. എന്തായാലും കുഞ്ഞിന്‍റെ ആലിംഗനവും ഉമ്മവെക്കലുമൊക്കെ അമ്മയ്ക്കും ആശുപത്രി ജീവനക്കാർക്കും മറക്കാനാകാത്ത നിമിഷമാണ് സമ്മാനിച്ചത്.



Touching moment baby hugs her mother seconds after being born

Little Agata Ribeiro Coelho was introduced to her mum by doctors after being born via C-section.