കഥകൾ ഒളിപ്പിക്കുന്ന ഈ സുന്ദരിയെ നമുക്കൊന്ന് തിരഞ്ഞിറങ്ങിയാലോ?

മാമലകൾക്കപ്പുറത്ത് മരതക പട്ടുടുത്ത്... പറഞ്ഞു വരുന്നത് ആരെക്കുറിച്ചാണെന്ന് എല്ലാവർക്കും അറിയാം. നമ്മുടെ സ്വന്തം കേരളത്തെ പറ്റിത്തന്നെ. ഈ പ്രകൃതി ഭംഗി ആസ്വദിച്ച ആരും ഒന്ന് പറഞ്ഞു പോകും ഇവൾ സുന്ദരി തന്നെ എന്ന്. അതിരുകാക്കാൻ തലയുയർത്തി നിൽക്കുന്ന സഹ്യസാനുക്കളും മണവാട്ടിയായി അറബിക്കടലും നാണം കുണുങ്ങുന്ന ഇളം കാറ്റും കുളിരുകായുന്ന കൂറ്റൻ ചുരങ്ങളും ഹെയർ പിൻ വളവുകളും... പറഞ്ഞു തുടങ്ങിയാൽ തീരാത്തത്രയും കഥകൾ ഒളിപ്പിക്കുന്ന ഈ സുന്ദരി പക്ഷെ പലപ്പോളും നമുക്ക് പിടിതരാത്ത അറബിക്കഥയിലെ രാജ്ഞിയാണ്. എന്നാൽ നമുക്കൊന്ന് ഇറങ്ങിയാലോ? കടലും കാറ്റും മരവും മലയും താണ്ടി മലയാളത്തിന്‍റെ സൗന്ദര്യത്തിലേക്ക്.

ഒരു കടൽ ദൂരം- ഫോർട്ട് കൊച്ചി

അറബിക്കടലിന്‍റെ രാജ്ഞി. സുഗന്ധവ്യജ്ഞനങ്ങളുടെ കേന്ദ്രമായി അറിയപ്പെട്ടിരുന്ന സ്ഥലമാണ് ഫോർട്ട് കൊച്ചി. മട്ടാഞ്ചേരി,കുമ്പളങ്ങി,മറൈൻ ഡ്രൈവ്,ഹിൽ പാലസ്,ബോൾഗാട്ടി പാലസ്, വില്ലിങ്ടൺ ഐലൻഡ് എന്നിവയാണ് പ്രധാന ആകർഷണങ്ങൾ.

ഇനിയൽപ്പം തണുക്കാൻ മൂന്നാർ

മനസ് ശാന്തമാക്കാൻ ഏറ്റവും ബെസ്റ്റ് മൂന്നാർ തന്നെ. നല്ല തണുത്ത കാറ്റിൽ ചായത്തോട്ടങ്ങളിൽ നിന്നും ചിണുങ്ങി എത്തിയ തേയില നല്ല ചായയാക്കി ഊതി ഊതി കുടിക്കാം. ഇരവികുളം നാഷണൽ പാർക്ക്,കുഞ്ചിത്തണ്ണി,മറയൂർ,മാട്ടുപ്പെട്ടി ടം,മൂന്നാർ ടീ എസ്റ്റേറ്റ്,പള്ളിവാസൽ തുടങ്ങിയവയാണ് പ്രധാന ആകർഷണങ്ങൾ.

വയനാട്- കാടിന്‍റെ മടിത്തട്ടിൽ ഇത്തിരി നേരം

ചുറ്റും കാട്, കാടിനേക്കാൾ സൗന്ദര്യം മറ്റെന്തിനുണ്ട്? എടക്കൽ ഗുഹകൾ,കുറുവാദ്വീപ്,കൽപ്പറ്റ,സുൽത്താൻ ബത്തേരി,ചെമ്പ്ര പീക്ക്,നീലിമല,ബാണാസുര എന്നിവയാണ് പ്രധാന ആകർഷണങ്ങൾ.

അതിരപ്പിള്ളി വെള്ളച്ചാട്ടത്തിനൊപ്പം കുതിക്കുന്ന മനസും

ദിൽ സേ,ബാഹുബലി,രാവൺ,കണ്ണത്തിൽ മുത്തമിട്ടാൽ, ഇരുവർ,ഗുരു... ഈ ചിത്രങ്ങളില്ലെല്ലാം കുത്തിയൊഴുകുന്ന ഈ വെള്ളച്ചാട്ടം ഏതെന്ന് ആലോചിച്ചിട്ടുണ്ടോ? ഷാരൂഖ് ഖാനും ഐശ്വര്യ റായ്‌യുമെല്ലാം പ്രണയം പങ്ക്‍വെച്ച് നൃത്തം ചെയുന്ന ഈ വെള്ളച്ചാട്ടം മറ്റെങ്ങുമല്ല നമ്മുടെ സ്വന്തം കേരളത്തിൽ തന്നെ. അതിരപ്പിള്ളി വെള്ളച്ചാട്ടം. 80 അടി ഉയരത്തിൽ നിന്നും ചിന്നി ചിതറുന്ന സൗന്ദര്യം.

കോവളം കടൽതീരത്ത് ഒരു സുന്ദര സായാഹ്നം

ലൈറ്റ് ഹൗസിൽ പ്രിയപ്പെട്ടവരോടൊത്ത് ഒരു സുന്ദര സായാഹ്നം. അല്പസമയം തനിച്ചിരിക്കാൻ ഈ കടൽതീരത്തല്ലാതെ വേറെ എങ്ങു പോകാൻ.