ലോകത്ത് കൊറോണവൈറസ് ബാധയുടെ പശ്ചാതലത്തിൽ പല കമ്പനികളും വർക്ക് ഫ്രം ഹോം നൽകിയിരിക്കുകയാണ്. പലരും ഇപ്പോൾ വീട്ടിലിരുന്ന് കൊണ്ടാണ് ജോലി ചെയ്യുന്നത്. എന്നാൽ കുട്ടികളുള്ള വീടുകളിലെ അമ്മമാരും അച്ഛന്മാരുമാണ് ഇപ്പോൾ പ്രശ്നത്തിലായിരിക്കുന്നത്. കുട്ടികളെ നോക്കണോ ജോലി ചെയ്യണോ എന്ന അവസ്ഥയിലാണ് പലരും. സ്കൂളുകളും നഴ്സറികളും എല്ലാം അവധിയായത് കൊണ്ട് തന്നെ കുട്ടികളും വീടുകളിൽ തന്നെയാണ്.
വീട്ടിലിരുന്ന് ജോലി ചെയ്യുന്ന ഒരു അച്ഛന്റെയും മകളുടെയും വീഡിയോയാണ് ഇപ്പോൾ സമൂഹ മാധ്യമങ്ങളിൽ വൈറലാകുന്നത്. ലോക്ഡൌൺ സമയത്ത് എങ്ങനെയാണ് കുട്ടികളെ വീടുകളിൽ വിനോദത്തിലേർപ്പെടുത്തുക എന്ന് കൂടി കാട്ടിത്തരുകയാണ് ഈ വീഡിയോ.
ഗൾഫിൽ നിന്ന് വന്ന ഭർത്താവ് ക്വാറന്റൈനിൽ, മട്ടുപ്പാവിലിരുന്ന് ഭാര്യയും കുട്ടിയും...
ഒരു വക്കീലും കുട്ടിയുമാണ് ദൃശ്യങ്ങളിലുള്ളത്. വക്കിലീനരികിലേക്ക് പരാതിയുമായെത്തുന്ന കുഞ്ഞു കുറുമ്പത്തിക്കുട്ടി. എന്നാൽ കേസാകട്ടെ അമ്മയ്ക്കെതിരെയും. നാല് കേസുകളാണ് അമ്മയ്ക്കെതിരെ കുട്ടി പറയുന്നത്. അച്ഛൻ വക്കീൽ ആവശ്യപ്പെട്ടതനുസരിച്ച് വക്കാലത്ത് ഒപ്പിട്ട് കൊടുക്കു കുട്ടിയെയും വീഡിയോയിൽ കാണാൻ സാധിക്കും. എന്നാൽ രസകരമായ കാര്യം എന്താണെന്ന് വെച്ചാൽ ഫീസ് ചോദിക്കുമ്പോൾ അച്ഛന്റെ കൈയിൽ നിന്ന് തന്നെ പണം എടുത്ത് കൊടുക്കുകയാണ് ചെയ്യുന്നത്.