ലോകമെങ്ങും പ്രണയദിനം ആഘോഷിക്കുന്ന തിരക്കിലാണ്. കഴിഞ്ഞ ഏഴ് ദിവസത്തോളം പ്രണയിതാക്കൾ തമ്മിൽ സ്നേഹം പങ്കിടുകയാണ്. റോസ് ഡേ, ചോക്ലേറ്റ് ഡേ, ടെഡ്ഡി ഡേ പ്രോമിസ് ഡേ, ഹഗ് ഡേ, കിസ് ഡേ എന്നിങ്ങനെ നീണ്ടു നിൽക്കുന്ന പ്രണയവാരം. എന്നാൽ ഫെബ്രുവരി 14 പ്രണയദിനത്തിൽ പല പരിപാടികളും പ്ലാൻ ചെയ്യുന്നവർക്ക് മുന്നറിയിപ്പുമായി എത്തിയിരിക്കുകയാണ് ഭാരത് സേന എന്ന സംഘടന.
രണ്ടു പട്ടികളെ തമ്മിൽ കല്യാണ കഴിപ്പിച്ച് കൊണ്ടാണ് ഇവർ മുന്നറിയിപ്പ് നൽകുന്നത്. ഇതിന്റെ വീഡിയോ ഇപ്പോൾ സമൂഹ മാധ്യമങ്ങളിൽ വൈറലാകുകയാണ്. ഭാരത് സേനയും ഒരു കൂട്ടം പ്രവർത്തകർ കാവി കൊടിയും പിടിച്ച് ഒരു ആൺ പട്ടിയെയും പെൺ പട്ടിയെയും ചേർത്ത് നിർത്തി പുക്കളൊക്കെ ചൂടി താലി കെട്ടുന്നതും ദൃശ്യത്തിൽ കാണുന്നുണ്ട്. പൂജാരി എന്ന് തോന്നിക്കുന്നയാൾ പട്ടികൾക്ക് താലി കൈമാറുന്ന രംഗം കണ്ട് സോഷ്യൽ മീഡിയ ചിരിക്കുകയാണ്.
പ്രണയദിനത്തിൽ എന്താണ് പ്ലാൻ എന്ന് ടിൻഡർ, ബജ്രംഗ്ദൾ കാണുന്നുണ്ടെന്ന് സോഷ്യൽ മീഡിയ...
മേഘ കാവേരി എന്ന ട്വിറ്റർ ഹാൻഡിലിലാണ് വീഡിയോ പോസ്റ്റ് ചെയ്തിരിക്കുന്നത്. കോയമ്പത്തൂരിൽ നിന്നുള്ള വീഡിയോയാണ് ഇതെന്നാണ് യുവതി ട്വീറ്റ് ചെയ്തിരിക്കുന്നത്.