കല്യാണം കഴിക്കാൻ പണമില്ലാതെ വരുമ്പോൾ നമ്മളിൽ പലരും ചെയ്യുന്ന കാര്യം എന്താണെന്ന് വെച്ചാൽ കടം വാങ്ങിക്കലാണ്. പല കല്യാണങ്ങളും ആഢംബരത്തിന്റെയും ധൂർത്തിന്റെയും ഇടമായി മാറുമ്പോൾ കല്യാണ ശേഷം ഒരു വൻ തുക തന്നെ തന്നെ കടം ബാക്കിയായിട്ടുണ്ടാകും. എന്നാൽ ഇതിനെ മറികടക്കാൻ കല്യാണച്ചെലവിനുള്ള പണം കല്യാണത്തിന് വരുന്നവർ കൊണ്ട് വരണമെന്ന് പറഞ്ഞാൽ എങ്ങനെയിരിക്കും.
കല്യാണത്തിന് വരുന്നവർ സമ്മാനമായി പലതും കൊണ്ടു വരുന്നത് കണ്ടിട്ടുണ്ട്, പലരും പണവും നൽകാറുണ്ട്. എന്നാൽ കല്യാണത്തിന് വരുന്നവരോട് നിർബന്ധമായും പണം കൊണ്ട് വരണമെന്ന് പറഞ്ഞാൽ എങ്ങനെ ഉണ്ടാകും?
അത്തരത്തിലൊരു വാർത്തയാണ് അമേരിക്കിയിൽ നിന്ന് വൈറലാകുന്നത്. റെഡ്ഡിറ്റിൽ ഡെയിന്റി ഷീപ്പ് എന്ന അക്കൌണ്ടിൽ നിന്നും 19 കാരിയാണ് പോസ്റ്റ് ചെയ്തത്. തന്റെ ബന്ധുവിന്റെ കല്യാണമാണെന്നും കല്യാണത്തിന് വരുന്നവർ 50 ഡോളർ നിർബന്ധമായും കൊണ്ട് വരണമെന്നും ആവശ്യപ്പെട്ടതായി പെൺകുട്ടി വ്യക്തമാക്കുന്നു. എന്നാൽ ഇത്തരത്തിലൊരു കല്യാണത്തന് പോകാൻ തനിക്ക് താൽപര്യമില്ലെന്നും പെൺകുട്ടി വ്യക്തമാക്കുന്നു. ഈ വാർത്തയെ ഏറ്റ് പിടിച്ച് പലരും രംഗത്ത് വന്നിട്ടുണ്ട്.