കൊറോണ വൈറസിന്റെ പശ്ചാതത്തിൽ ലോകമെങ്ങും പ്രതിരോധ പ്രവർത്തനങ്ങളിൽ ഏർപ്പെട്ടിരിക്കുകയാണ്. എന്നാൽ ചൈനയിൽ നിന്ന് പുറത്ത് വരുന്ന് വാർത്തകൾ അത്ര നല്ലതല്ല എന്ന് പ്രത്യേകം പറയേണ്ടതില്ലാല്ലോ. നാൾക്കു നാൾ ചൈനയിലെ മരണ സംഖ്യ വർധിക്കുകയാണ്. എന്നാൽ ഇപ്പോൾ ചൈന നേരിടുന്ന മറ്റൊരു പ്രശ്നം എന്ന് പറയുന്നത് കൊറോണയെ പ്രതിരോധിക്കുന്നതിലുള്ള പ്രശ്നമാണ്.
കൊറോണ വൈറസിന്റെ തുടക്കത്തിൽ തന്നെ ചൈനയിൽ ആവശ്യത്തിനുള്ള ഫേസ്മാസ്കുകൾ ഉണ്ടായിരുന്നില്ല എന്ന വാർത്തകളുണ്ടായിരുന്നു. റെഡ് ക്രോസിന്റെ പ്രവർത്തനങ്ങളെയും മറ്റും വിമർശിച്ച് കൊണ്ട് പലരും രംഗത്തെത്തിയിരുന്നു. എന്നാൽ നാളുകളിത്ര കഴിഞ്ഞിട്ടും കൊറോണയെ പ്രതിരോധിക്കാനുള്ള പ്രവർത്തികളിലേർപ്പെടുന്നവർക്കും ജനങ്ങൾക്കും ആവശ്യത്തിനുള്ള ഫേസ്മാസ്ക് കിട്ടാത്തത് വലിയ പ്രതിസന്ധി സൃഷ്ടിച്ചിരിക്കുകയാണ്.
ഈ ഒരു അവസ്ഥ എത്രത്തോളം വേദനാജനകമാണ് എന്ന് കാണിക്കുന്ന പല ചിത്രങ്ങളും ഇപ്പോൾ സോഷ്യൽ മീഡിയയിൽ വൈറലാകുകയാണ്. ആവശ്യത്തിന് ഫേസ്മാസ്ക് കിട്ടാത്തത് കൊണ്ട് ബ്രായും സാനിറ്ററി പാഡും ഒക്കെയാണ് ഇപ്പോൾ പലരും ഫേസ്മാസ്കായി ഉപയോഗിക്കുന്നത്. ചൈനയിൽ നിന്നുള്ള പല ദൃശ്യങ്ങളും ആളുകളുടെ കണ്ണ് നിറക്കുകയാണ്. ട്വിറ്ററിൽ പലരും ഇതിന്റെ ചിത്രങ്ങളും വീഡിയോകളും പോസ്റ്റ് ചെയ്തിട്ടുണ്ട്.
'എന്റെ ഭർത്താവ് മരിച്ചു കൊണ്ടിരിക്കുകയാണ്, പ്ലീസ് ഹെൽപ്'; എന്തൊരു ദൃശ്യമാണ്...
ബ്രായും സാനിറ്ററി പാഡും മാത്രമല്ല പലരും പ്ലാസ്റ്റിക് കുപ്പികളെ മുറിച്ച് തലയിലൂടെ കടത്തി സുരക്ഷ ഒരുക്കുന്നവരും ഉണ്ട്. ചൈനയിലെ വുഹാനിൽ നിന്ന് പടർന്ന കൊറോണ വൈറസ് ഇപ്പോൾ ലോകത്തെ ഭീതിയിലാഴ്ത്തിയിരിക്കുകയാണ്. ചൈനയിൽ മാത്രമായി മരണപ്പെട്ടത് 1368 പേരാണ്. ലോകത്തിലാകമാനം 60,386 പേർ രോഗബാധിതരാണെന്നാണ് റിപ്പോർട്ട്.