കൊറോണവൈറസ് ലോകത്ത് പടർന്ന് പിടിച്ചതോടെ ഒട്ടുമിക്ക രാജ്യങ്ങളും കഴിഞ്ഞ കുറേ ദിവസങ്ങളായി ലോക്ക്ഡൌൺ പ്രഖ്യാപിച്ചിരിക്കുകയാണ്. അവശ്യ സാധനങ്ങൾക്ക് വേണ്ടി മാത്രമായിരുന്നു കടകൾ തുറന്നിരുന്നത്. എന്നാൽ നിലവിൽ പല രാജ്യങ്ങളിലും രോഗ വ്യാപനം കുറഞ്ഞിരിക്കുകയാണ്. ഇതിന്റെ പശ്ചാതലത്തിൽ ചില രാജ്യങ്ങളൊക്കെ ലോക്ക്ഡൌൺ പിൻവലിക്കുകയും ഇളവ് അനുവദിക്കുകയും ചെയ്തിട്ടുണ്ട്. ഈ സാഹചര്യത്തിലാണ് മദ്യവിൽപന പുനഃരാരംഭിക്കുന്നത്.
ഒരു മാസത്തിലേറെ നീണ്ട ഇടവേളയ്ക്കുശേഷം മദ്യവിൽപന വീണ്ടും തുടങ്ങിയപ്പോൾ സാമൂഹിക അകലം ലംഘിച്ചുകൊണ്ടുള്ള തിക്കുംതിരക്കുമാണ് പല സ്ഥലങ്ങളിലും അനുഭവപ്പെട്ടത്. ഡൽഹിയിൽ കഴിഞ്ഞ ദിവസം തിരക്ക് കൂടിയതോടെ തുറന്ന മദ്യഷോപ്പുകൾ വീണ്ടും അടച്ചിരിക്കുകയാണ്. കർണാടകയിൽ പല സ്ഥലങ്ങളിലും ഒരു കിലോമീറ്ററിലേറെ നീണ്ട നിര മദ്യഷോപ്പുകൾക്ക് മുന്നിൽ രൂപപ്പെട്ടു. മാത്രമല്ല നിരവധി പേരാണ് മദ്യത്തിനായി തെരുവിലിറങ്ങിയത്.
ബ്രിട്ടൻ രാജ്ഞി എപ്പോഴും കൈയിൽ ബാഗുമായി നടക്കുന്നതിന്റെ പിന്നിൽ ഒരു രഹസ്യമുണ്ട്...
അതിനിടെയാണ് നടൻ സുനിൽ ഗ്രോവർ ഇൻസ്റ്റാഗ്രാമിൽ പങ്കുവെച്ച ഒരു വീഡിയോയാണ് ഇപ്പോൾ വൈറലാകുന്നത്. മദ്യവിൽപന അനുവദിച്ചതിനുശേഷം ഒരു സൂപ്പർമാർക്കറ്റിനുള്ളിലേക്ക് കൊണ്ടുവന്ന ബിയർ കെയ്സുകൾ ആളുകൾ തട്ടിപ്പറിക്കുന്ന ദൃശ്യങ്ങളാണ് വീഡിയോയിലുള്ളത്. തായിലാൻഡിൽ നിന്നുള്ള ദൃശ്യങ്ങളാണ് ഇത്. തായിലാൻഡിലെ ഒരു സൂപ്പർ മാർക്കറ്റിലേക്ക് ബിയർ കെയ്സുകൾ കൊണ്ടു വന്ന് വെച്ചപ്പോഴേക്കും ആളുകൾ ചാടിക്കയറി തട്ടിപ്പറിക്കുന്നതാണ് വീഡിയോയിൽ കാണുന്നത്. നിരവധി പേരാണ് വീഡിയോ ഏറ്റെടുത്തിരിക്കുന്നത്. സോഷ്യൽ ഡിസ്റ്റൻസ് പാലിക്കാതെ ആളുകൾ കാണിക്കുന്ന ഇത്തരത്തിലുള്ള പ്രവൃത്തികൾക്കെതിരെ നിരവധി കോണുകളിൽ നിന്ന് പ്രതിഷേധങ്ങളുയരുകയാണ്.