കുടത്തിന്റെ അടിത്തട്ടിലുള്ള വെള്ളം കണ്ട് ചരൽക്കല്ല് കൊത്തിയിട്ട് ജലനിരപ്പുയർത്തി വെള്ളം കുടിച്ച് പറന്നു പോയ കാക്ക, അമ്മ ചുട്ട നെയ്യപ്പം കൊത്തിക്കൊണ്ട് പോയ കാക്കയുടെ കൌശലം ഇത്രയൊക്കെ കണ്ടിട്ടും കാക്കയെ നമ്മൾ അണ്ടർ എസ്റ്റിമേറ്റ് ചെയ്യരുത്. കാക്ക നമ്മൾ വിചാരിക്കും പോലെയല്ല, ബുദ്ധിമതികളുടെ കൂട്ടത്തിലാണ് കാക്കയുടെ സ്ഥാനം.
വെറുതെ പറയുന്നതല്ല, എത്തോളജിസ്റ്റായ നിക്കോള ക്ലെടൺ നടത്തിയ പരീക്ഷണത്തിൽ ഇത് വ്യക്തമാക്കുന്നുണ്ട്. കാക്കകൾ ഉൾപ്പെട്ട കോർവിഡ് കുടുംബത്തിലെ മറ്റ് പക്ഷികൾക്കും ഈ ബുദ്ധി ശക്തിയുണ്ടെന്ന് പരീക്ഷണത്തിൽ പറയുന്നു. ഇത് മാത്രമല്ല ഓക്സ്ഫോർഡ് സർവകലാശാലയിലെ ഒരു കൂട്ടം ശാസ്ത്രജ്ഞരും ഇത്തരത്തിൽ പഠനങ്ങൾ നടത്തിയിട്ടുണ്ട്. ഇതിന്റെ വീഡിയോകളും ഇപ്പോൾ സമൂഹ മാധ്യമങ്ങളിൽ വൈറലാണ്.