അച്ഛന്മാര്ക്ക് പെണ്മക്കളോട് ആണ് കൂടുതല് സ്നേഹമെന്നാണ് പറയാറ്. അവരുടെ സ്നേഹബന്ധം ഒരിക്കലും വിലമതിക്കാനാവില്ല. വാക്കുകള് കൊണ്ട് വിവരിക്കാന് കഴിയുന്നതിലും വലുതായിരിക്കും അച്ഛന് മകള് ബന്ധം പലപ്പോഴും. അവരുടെ വിശ്വാസവും ബലവുമൊക്കെ അച്ഛന്മാരായിരിക്കും. അച്ഛനെ കുന്നോളം സ്നേഹിക്കുന്ന ഒരു കുഞ്ഞ് മിടുക്കിയുടെ വീഡിയോയാണ് ഇപ്പോള് സോഷ്യല് മീഡിയയുടെ മനം കവരുന്നത്.
മഹാരാഷ്ട്ര സ്വദേശിയായ ആശിഷ് നല്ലവാഡ എന്നയാള് പോസ്റ്റ് ചെയ്ത വീഡിയോയാണ് സോഷ്യല് മീഡിയയില് വൈറലായി കൊണ്ടിരിക്കുന്നത്. ലണ്ടനില് സ്ഥിര താമസക്കാരനായ ആശിഷ് തന്റെ പഠനം ശേഷമുള്ള ബിരുദ ദാന ചടങ്ങില് പങ്കെടുക്കുന്ന വീഡിയോയാണിത്. വേദിയിലേക്ക് ബിരുദദാനത്തിനായി കയറി വരുന്ന ആശിഷ് കണ്ട് കാണികള്ക്കിടയിലിരുന്ന മകള്ക്ക് ആവേശമായി.
നിശബ്ദമായിരുന്ന വേദിയില് പെട്ടെന്ന് ഒരു ഓമന ശബ്ദമുയര്ന്നു. 'അഭിനന്ദനങ്ങള് അച്ഛാ... ഐ ലവ് യൂ', ഏറെ പ്രയാസപ്പെട്ടാണ് അവള് അത് പറയുന്നതെങ്കിലും ആ കുഞ്ഞ് ശബ്ദത്തില് അത് കേള്ക്കാന് വളരെ
രസമാണ്. ആശിഷ് തിരിച്ചും അവളോട് ലവ് യൂ എന്ന് വേദിയില് നിന്ന് പറയുന്നതാണ് അവള്ക്ക് ആവേശമായത്.
Also Read:അപ്പൂപ്പന്റെ ട്രൗസര് പഴയ ട്രൗസറല്ല; ഓണ്ലൈനിലെ ട്രൗസറിന്റെ വില കണ്ട് ഞെട്ടി സോഷ്യല് മീഡിയ, വൈറലായി ചിത്രങ്ങള്
എന്തായാലും കുഞ്ഞ് മോളുടെയും അച്ഛന്റെയും ഈ കൊച്ച് സംഭാഷണം വേദിയില് മുഴുവന് ചിരി പടര്ത്തി. ഇത്തരത്തിലുള്ള ചെറിയ നിമിഷങ്ങളാണ് ജീവിതത്തില് വിലമതിക്കാന് ആകാത്തതാണ്. ശിവ നല്ലവാഡയെന്നാണ് ആ കൊച്ചു മിടുക്കിയുടെ പേര്. 13.4 മില്യണ് ആളുകളാണ് ഈ വീഡിയോ ഇതുവരെ കണ്ടത്. ഏറെ രസകരമായ നിരവധി കമന്റുകളും വീഡിയോയ്ക്ക് താഴെ പലരും കമന്റ് ചെയ്തിട്ടുണ്ട്.
'എന്റെ കൊച്ചു രാജകുമാരി ഇല്ലാതെ എന്റെ ബിരുദദാന ചടങ്ങ് മെച്ചപ്പെടുമായിരുന്നില്ല. നിശബ്ദമായ ചടങ്ങ് ഹാളിലൂടെ അവളുടെ വാക്കുകള് മുഴങ്ങിക്കേട്ടു- ''അഭിനന്ദനങ്ങള് അച്ഛാ! ഞാന് നിന്നെ സ്നേഹിക്കുന്നു!' അവിടെയുണ്ടായിരുന്ന മറ്റെല്ലാവരോടൊപ്പം എന്റെ ഹൃദയവും ഉരുകി.
ബിരുദം ലഭിച്ചതിനേക്കാള്, 'എന്റെ മകളുടെ പിതാവായതാണ് എന്റെ ഏറ്റവും വലിയ നേട്ടമെന്ന് എനിക്ക് തോന്നി. അവള് ലോകത്തിലെ ഏറ്റവും മികച്ച മകളാണ്. എന്തുകൊണ്ടാണ് അച്ഛനെ പോലെ മകളെ പോലെ എന്ന് ആളുകള് യഥാര്ത്ഥത്തില് പറയുന്നത് എന്ന് നിങ്ങള്ക്കിപ്പോള് മനസിലാകും.
എന്റെ മുഴുവന് ബിരുദദാന ചടങ്ങിലെ ഏറ്റവും മനോഹരമായ നിമിഷമായിരുന്നു ഇത്, അത് എന്റെ ഹൃദയത്തില് എന്നെന്നേക്കുമായി നിലനില്ക്കും. ലവ് യു ശിവേ...' എന്ന അടിക്കുറിപ്പോടെയായിരുന്നു അദ്ദേഹം ഈ വീഡിയോ ഇന്സ്റ്റഗ്രാമില് പങ്കുവെച്ചത്.
Also Watch