ചാലഞ്ച് എങ്ങനെയാണ് എന്ന് നോക്കാം
മൂന്ന് പേർ നിരന്ന് നിന്ന് മുകളിലേക്ക് ചാടണം. രണ്ടു വശങ്ങളിലുള്ളവർ ആദ്യം ചാടും. അവർ നിലം തൊട്ടതിന് ശേഷം നടുവിലുള്ളവൻ ചാടണം. എന്നാൽ നടുവിലുള്ളയാൾ ചാടി നിലം തൊടുന്നതിന് മുമ്പ് തന്നെ ഇരുവശമുള്ളവർ കാല് കൊണ്ട് തട്ടി നടുവിലുള്ളയാളെ വീഴ്ത്തുക എന്നതാണ് ചാലഞ്ച്. നടുവിലുള്ളയാൾ പുറമടച്ച് വീഴുക എന്നതാണ് ചാലഞ്ചിന്റെ ഉദ്ദേശം. ഇത് വീഡിയോയാക്കി സോഷ്യൽ മീഡിയയിൽ #skullbreakerchallenge എന്ന ഹാഷ്ടാഗിൽ പോസ്റ്റ് ചെയ്യും.
ഏറെ അപകടം
ഇത്തരത്തിൽ താഴേക്ക് പതിക്കുന്നത് ഏറെ അപകടം സൃഷ്ടിക്കും എന്നാണ് വിദഗ് പറയുന്നത്. തലയടച്ച് വീഴുന്നത് കൊണ്ട് മരണം വരെ സംഭവിക്കാൻ സാധ്യതയുണ്ട്. അത് കൊണ്ട് തന്നെ ഈ ചാലഞ്ചിൽ നിന്ന് കുട്ടികളെ ബോധവത്കരിക്കേണ്ടതുണ്ട് എന്ന് പ്രത്യേകം പറയേണ്ടതില്ലാല്ലോ.
പാകിസ്താനും ഇന്ത്യയും; 1947ന് ശേഷം അവർ വീണ്ടും കണ്ടുമുട്ടിയപ്പോൾ
വീഴ്ചയുടെ ആഘാതം വലുതാണെങ്കിൽ
ഇത്തരത്തിൽ ചെയ്യുമ്പോൾ വീഴ്ചയുടെ ആഘാതം വലുതാണെങ്കിൽ മരണം വരെ സംഭവിച്ചേക്കാം എന്ന് പറഞ്ഞുവല്ലോ. മാത്രമല്ല തലയോട്ടിക്കും നട്ടെല്ലിനും ഗുരുതരമായ പരിക്കുകൾ സംഭവിക്കാനും ജീവിതവസാനം വരെ അബോധാവസ്ഥയിലേക്ക് പോകാനും ഈ ചാലഞ്ച് വഴി ഉണ്ടാകുമെന്ന് വിദഗ്ദർ മുന്നറിയിപ്പ് നൽകുന്നു.
തമാശയിൽ തുടങ്ങി
എല്ലാം ഒരു തമാശയിൽ നിന്നായിരിക്കും തുടക്കം. പ്രത്യേകിച്ചും വിദ്യാർത്ഥികളും യുവാക്കളും പല ചാലഞ്ചുകൾക്കും പിന്നാലെ പോകുന്നവരാണ്. അടുത്ത് ഇറങ്ങിയ പല അപകടം പിടിച്ച ചാലഞ്ചിന് പിന്നാലെ പോയി ജീവൻ അപകടത്തിലായ പല കൌമാരക്കാരും നമുക്കിടയിലുണ്ട് എന്ന് പറയേണ്ടതില്ലാല്ലോ.
"ഫ്രണ്ട്സ്... കപ്പ് കേക്ക്..."; വീഡിയോ കണ്ട് കഴിഞ്ഞാ നിങ്ങളും പറയും...
രക്ഷിതാക്കൾ കരുതിയിരിക്കുക
സ്കൂളുകളിൽ വിദ്യാർത്ഥികൾ സ്കൾ ബ്രേക്ക് ചാലഞ്ചിന് പിന്നാലെയാണെന്നും രക്ഷിതാക്കൾ സൂക്ഷിക്കണമെന്നും വിദഗ്ദർ മുന്നറിയിപ്പ് നൽകുന്നുണ്ട്. ഇതിനകം തന്നെ നിരവധി അപകടങ്ങളും റിപ്പോട്ട് ചെയ്തിട്ടും ഉണ്ട്. അത് കൊണ്ട് തന്നെ രക്ഷിതാക്കൾ അറിഞ്ഞിരിക്കുക.
വെനസ്വേലയിലെ അപകടം
വെനസ്വേലയിലെ മൂന്ന് വിദ്യാർത്ഥികൾ ഇത്തരത്തിൽ സ്കൾ ബ്രേക്ക് ചാലഞ്ച് നടത്തിയിട്ട് ഒരാൾക്ക് ഗുരുതരമായി പരിക്കേൽക്കുന്നതിന്റെ വീഡിയോ സമൂഹ മാധ്യമങ്ങളിൽ വൈറലാകുന്നുണ്ട്. ഇതിന് പിന്നാലെയാണ് ചാലഞ്ചിനെതിരെ വിദഗ്ദർ രംഗത്തെത്തിയത്. മാത്രമല്ല രണ്ടു മരണങ്ങളും ഈ ചാലഞ്ചിലൂടെ റിപ്പോർട്ട് ചെയ്യുന്നുണ്ട്.
മുഖത്ത് ഈച്ച വന്നിരുന്നു, ഒന്നും നോക്കിയില്ല നാക്ക് നീട്ടി വായിലേക്ക്...
അപകടം പിടിച്ച ചാലഞ്ചുകൾ
അപകടം പിടിച്ച പല ചാലഞ്ചുകളും ഇതിന് മുമ്പും സോഷ്യൽ മീഡിയയിൽ വൈറലായിട്ടുണ്ട്. ആഴ്ചകൾ തോറും പലതരത്തിലുള്ള ചാലഞ്ചുകളും വൈറലാകാറുണ്ട്. നേരത്തെ ഉണ്ടായിരുന്ന കീ കീ ചാലഞ്ചും പലരെയും അപകടത്തിലാക്കിയിട്ടുണ്ട്. അത് കൊണ്ട് തന്നെ ഇത്തരം ചാലഞ്ചുകൾ ഏറ്റെടുക്കുമ്പോൾ വളരെ ഏറെ ശ്രദ്ധിക്കേണ്ടിയിരിക്കുന്നു. ചാലഞ്ചുകൾ ഏറ്റെടുക്കുമ്പോൾ ഒന്ന് ആലോചിക്കുക, അടുത്ത ചാലഞ്ച് ചെയ്യാൻ ഞാനുണ്ടാകുമോ എന്ന്.