കല്യാണത്തിനോ അല്ലെങ്കിൽ മറ്റെന്തെങ്കിലും പരിപാടിക്കോ പോയി ഭക്ഷണം കഴിക്കുമ്പം കണ്ണൊന്ന് തെറ്റിയാൽ ഇലയിൽ നിന്ന് കൈയിട്ടു വാരുന്ന കൂട്ടുകാർ നമുക്കും ഉണ്ടാകും. അത്തരത്തിലൊരു വീഡിയോയാണ് ഇപ്പോൾ സോഷ്യൽ മീഡിയയിൽ ചിരി പടർത്തുന്നത്. കട്ട ചങ്കാണ് എന്ന് പറയാം, പക്ഷെ ആള് വല്യ പുള്ളിയാണ്, ആന.
തൊട്ടടുത്തിരുന്ന് ഭക്ഷണം കഴിക്കുന്ന പാപ്പാന്റെ കണ്ണൊന്ന് തെറ്റിയപ്പോ ഇലയിൽ തുമ്പിക്കൈയിട്ട് വാരി തിന്നുന്ന ദൃശ്യമാണ് വീഡിയോയിലുള്ളത്. പാപ്പാൻ കാര്യം മനസ്സിലാക്കി വരുമ്പോഴേക്കും തുമ്പിക്കൈയിലെടുത്ത ഭക്ഷണവുമായി യഥാസ്ഥാനത്ത് നിന്ന് പതിയെ കഴിക്കുന്നതും വീഡിയോ ദൃശ്യങ്ങളിൽ കാണാം. വീഡിയോ സമൂഹ മാധ്യമങ്ങളിൽ വൈറലാകുന്നതിനോടൊപ്പം തന്നെ വീഡിയോയ്ക്ക് താഴെ വരുന്ന കമന്റുകളും ആളുകൾ ഏറ്റു പിടിക്കുകയാണ്. 'ജാതിയോ മതമോ ഇല്ലാത്ത കൂട്ടുകെട്ട്', 'കൺകുളിർക്കുന്ന കാഴ്ചയാണ് ഇത്', 'ഭക്ഷണ ഇലയിൽ നിന്നാണ് സൌഹൃദങ്ങൾ തുടങ്ങുന്നത്' തുടങ്ങിയ കമന്റുകളും ആളുകൾ ഏറ്റെടുത്തിട്ടുണ്ട്.