ഇന്ധന വില ക്രമാതീതമായി ഉയർന്ന സാഹചര്യത്തിൽ വാഹനമുള്ള ഏതൊരാളും ചിന്തിച്ചിട്ടുണ്ടാവും ആരെങ്കിലും കുറച്ച് പെട്രോളോ ഡീസലോ സമ്മാനമായി തന്നിരുന്നെങ്കിൽ. തമിഴ്നാട്ടിൽ ഒരു വിവാഹത്തിന് വരന്റെ സുഹൃത്തുക്കൾ ഒരു ക്യാൻ പെട്രോൾ സമ്മാനമായി തന്നത് വാർത്തകളിൽ ഇടം പിടിച്ചിരുന്നു. ഇന്ധനത്തിന് വിലയേറിയ ഈ കാലഘട്ടത്തിൽ പെട്രോൾ സമ്മാനമായി കൊടുത്താലോ എന്ന് ചിലരെങ്കിലും ചിന്തിച്ചിട്ടുണ്ടാകും. ഇക്കൂട്ടർ മനസ്സിൽ കണ്ടത് ഇന്ത്യൻ ഓയിൽ കോർപറേഷൻ മാനത്ത് കണ്ടു എന്ന് വേണം സമൂഹ മാധ്യമങ്ങളിൽ കോർപറേഷന്റെ പുതിയ പോസ്റ്റ് കണ്ടാൽ അനുമാനിക്കേണ്ടത്.
വിവാഹം, ദീപാവലി തുടങ്ങിയ വിശേഷ ദിവസങ്ങളിൽ തങ്ങളുടെ വൺ4യു (One4U) ഇ-ഫ്യുവൽ വൗച്ചർ മികച്ച സമ്മാനമാണ് എന്നാണ് ഇന്ത്യൻ ഓയിൽ കോർപറേഷൻ ട്വീറ്റ് ചെയ്തിരിക്കുന്നത്. പ്രീയപ്പെട്ടവരുടെ വിവാഹവേളയിൽ നിങ്ങളുടെ സ്നേഹവും അനുഗ്രഹവും പ്രദർശിപ്പിക്കാനുള്ള ഏറ്റവും നല്ല മാർഗ്ഗമാണ് ഇ-ഫ്യുവൽ വൗച്ചർ എന്നും ഇന്ത്യൻ ഓയിൽ കോർപറേഷൻ ട്വീറ്റിൽ ചേർത്തിട്ടുണ്ട്.
500 രൂപ മുതൽ പരമാവധി 10,000 രൂപ വരെയുള്ള ഇ-ഫ്യുവൽ വൗച്ചർ ഇന്ത്യൻ ഓയിൽ കോര്പറേഷനിൽ നിന്നും ഓൺലൈനായി വാങ്ങാം. ഇതിന് മുൻപ് ദീപാവലിക്കും ധന്തേരാസിനും സമ്മാനമായി ഇ-ഫ്യുവൽ വൗച്ചറുകൾ പ്രചാരണവുമായി ഇന്ത്യൻ ഓയിൽ കോർപറേഷൻ ട്വീറ്റ് ചെയ്തിരുന്നു.
ഇന്ത്യൻ ഓയിൽ കോർപറേഷന്റെ ട്വീറ്റുകൾക്ക് സോഷ്യൽ മീഡിയയിൽ നിന്ന് സമ്മിശ്ര പ്രതികരണമാണ് ലഭിക്കുന്നത്. 'പൊതുജനം നരകിക്കുമ്പോൾ നിങ്ങൾ ലാഭം പങ്കിട്ടെടുക്കുകയാണോ?' എന്നാണ് ഒരാളുടെ കമന്റ്. 'ഇന്ധനത്തിന് നികുതി ഏറ്റവും കൂടുതലായി നിൽക്കുന്ന ഈ സമയത്തിന് പറ്റിയ പരസ്യം' എന്നാണ് മറ്റൊരാളുടെ കമന്റ്. 'ഈ പരസ്യം കാണാൻ വൈകിപ്പോയി. ധന്തേരാസിന് സ്വർണം വാങ്ങുന്നതിന് പകരം അല്പം പെട്രോൾ വാങ്ങിയാൽ മതിയായിരുന്നു, രണ്ടിനും ഒരേ വിലയാണല്ലോ' എന്നാണ് വനിക്ക അറോറ എന്ന ട്വിറ്റെർ ഉപഭോക്താവിന്റെ പ്രതികരണം. "എന്റെ എല്ലാ സുഹൃത്തുക്കളുടെയും ശ്രദ്ധയ്ക്ക്, നിങ്ങൾ എന്റെ യഥാർത്ഥ സുഹൃത്താണ് എങ്കിൽ പുതുവർഷത്തിൽ നിങ്ങൾ എനിക്ക് തരേണ്ട സമ്മാനം എന്താണെന്ന് ഇനി പറഞ്ഞ് തരേണ്ടതില്ലല്ലോ?" എന്നാണ് ധമക ഇൻവെസ്റ്റർ എന്ന് പേരുള്ള ട്വിറ്റെർ ഉപഭോക്താവിന്റെ കമന്റ്.
വിവാഹം, ദീപാവലി തുടങ്ങിയ വിശേഷ ദിവസങ്ങളിൽ തങ്ങളുടെ വൺ4യു (One4U) ഇ-ഫ്യുവൽ വൗച്ചർ മികച്ച സമ്മാനമാണ് എന്നാണ് ഇന്ത്യൻ ഓയിൽ കോർപറേഷൻ ട്വീറ്റ് ചെയ്തിരിക്കുന്നത്. പ്രീയപ്പെട്ടവരുടെ വിവാഹവേളയിൽ നിങ്ങളുടെ സ്നേഹവും അനുഗ്രഹവും പ്രദർശിപ്പിക്കാനുള്ള ഏറ്റവും നല്ല മാർഗ്ഗമാണ് ഇ-ഫ്യുവൽ വൗച്ചർ എന്നും ഇന്ത്യൻ ഓയിൽ കോർപറേഷൻ ട്വീറ്റിൽ ചേർത്തിട്ടുണ്ട്.
500 രൂപ മുതൽ പരമാവധി 10,000 രൂപ വരെയുള്ള ഇ-ഫ്യുവൽ വൗച്ചർ ഇന്ത്യൻ ഓയിൽ കോര്പറേഷനിൽ നിന്നും ഓൺലൈനായി വാങ്ങാം. ഇതിന് മുൻപ് ദീപാവലിക്കും ധന്തേരാസിനും സമ്മാനമായി ഇ-ഫ്യുവൽ വൗച്ചറുകൾ പ്രചാരണവുമായി ഇന്ത്യൻ ഓയിൽ കോർപറേഷൻ ട്വീറ്റ് ചെയ്തിരുന്നു.
ഇന്ത്യൻ ഓയിൽ കോർപറേഷന്റെ ട്വീറ്റുകൾക്ക് സോഷ്യൽ മീഡിയയിൽ നിന്ന് സമ്മിശ്ര പ്രതികരണമാണ് ലഭിക്കുന്നത്. 'പൊതുജനം നരകിക്കുമ്പോൾ നിങ്ങൾ ലാഭം പങ്കിട്ടെടുക്കുകയാണോ?' എന്നാണ് ഒരാളുടെ കമന്റ്. 'ഇന്ധനത്തിന് നികുതി ഏറ്റവും കൂടുതലായി നിൽക്കുന്ന ഈ സമയത്തിന് പറ്റിയ പരസ്യം' എന്നാണ് മറ്റൊരാളുടെ കമന്റ്. 'ഈ പരസ്യം കാണാൻ വൈകിപ്പോയി. ധന്തേരാസിന് സ്വർണം വാങ്ങുന്നതിന് പകരം അല്പം പെട്രോൾ വാങ്ങിയാൽ മതിയായിരുന്നു, രണ്ടിനും ഒരേ വിലയാണല്ലോ' എന്നാണ് വനിക്ക അറോറ എന്ന ട്വിറ്റെർ ഉപഭോക്താവിന്റെ പ്രതികരണം. "എന്റെ എല്ലാ സുഹൃത്തുക്കളുടെയും ശ്രദ്ധയ്ക്ക്, നിങ്ങൾ എന്റെ യഥാർത്ഥ സുഹൃത്താണ് എങ്കിൽ പുതുവർഷത്തിൽ നിങ്ങൾ എനിക്ക് തരേണ്ട സമ്മാനം എന്താണെന്ന് ഇനി പറഞ്ഞ് തരേണ്ടതില്ലല്ലോ?" എന്നാണ് ധമക ഇൻവെസ്റ്റർ എന്ന് പേരുള്ള ട്വിറ്റെർ ഉപഭോക്താവിന്റെ കമന്റ്.